«Ո՛չ թալանին» քաղաքացիական շարժման ակտիվիստները քաղաքացիական հագուստով ոստիկանների լուսանկարները ձեռքներին նստել են Մաշտոցի պողոտայում` պահանջելով պատժել նրանց հունիսի 23–ին ցուցարարների նկատմամբ ուժ կիրառելու համար «Ո՛չ թալանին» քաղաքացիական շարժման ակտիվիստները, որոնք արդեն շուրջ մեկ ամիս բողոքում են Հայաստանում էլեկտրաէներգիայի թանկացման դեմ, երեքշաբթի երթ են կազմակերպել դեպի Գլխավոր դատախազության շենք և ճանապարհին փակել Երևանի Մաշտոցի պողոտան։
Ավելի ուշ ցուցարարները երթևեկությունը փակել են նաև Հանրապետության հրապարակում և պահանջել պատժել ոստիկաններին, որոնք մասնակցել են հունիսի 23–ի ցույցը ցրելուն և հուլիսի 6–ին Բաղրամյան պողոտայի բարիկադները հանելուն։
Ակցիայի մասնակիցներն իրենց պահանջներով նամակ են հանձնել Գլխավոր դատախազություն, որը, սահմանված կարգի համաձայն, Գլխավոր դատախազությունը պարտավոր է դիտարկել այն հանձնելուց հետո 9 օրվա ընթացքում։
