ԵՐԵՎԱՆ, 13 հուլիսի– Sputnik. Կիրակի Երևանում ավանդական կարմիր գորգով մեկնակեց «Ոսկե ծիրան» երևանյան XII միջազգային կինոփառատոնը, հաղորդում է Sputnik–ի թղթակիցը։
Ալ. Սպենդիարյանի անվան օպերայի և բալետի ազգային ակադեմիական թատրոնի շենքի մոտ հավաքվել էին մեծ թվով կինոյի սիրահարներ և մարդիկ, ովքեր ցանկանում էին տեսնել համաշխարհային կինոյի լեգենդներին։
«Ոսկե ծիրանի» հյուրերին դիմավորում էր փառատոնի հիմնադիր տնօրեն Հարություն Խաչատրյանը։ Կարմիր գորգով անցան աշխարհահռչակ դերասանուհիներ Օռնելա Մուտին և Նաստասիա Կինսկին, հայտնի խորհրդային և հայ կինոռեժիսոր, վավերագրող Արտավազդ Փելեշյանը, դերասան Ռոբեր Գեդիկյանը և այլ կինոգործիչներ։
Կարմիր գորգի վրայով անցան նաև Գիտության և մշակույթի ռուսական կենտրոնի ներկայացուցիչները, Հայաստանում Ֆրանսիայի արտակարգ և լիազոր դեսպան Ժան Ֆրանսուա Շարպանտիեն։
Հանդիսատեսը դիմավորում էր հյուրերին բուռն ծափահարություններով, որոշ երջանիկների հաջողվեց ստանալ Օռնելա Մուտիի ինքնագիրը։
«Ոսկե ծիրան» XII միջազգային կինոփառատոնն անցկացվում է Երևանում հուլիսի 12–19–ը։ Փառատոնն անցկացվում է Երևանում 2004 թ.–ից, այն տարածաշրջանի ամենահեղինակավոր փառատոներից է։
Այդ տարիների ընթացքում Հայաստան են ժամանել հայտնի դերասաններ և ռեժիսորներ, որոնց թվում նաև` գրող և սցենարիստ Տոնինո Գուերան, հայտնի դերասանուհիներ Կլաուդիա Կարդինալեն և Ֆանի Արդանը։ 2010 թվականին Երևանի կինոփառատոնն արժանացավ Ficts Plate D'honneur կինոյի, հեռուստատեսության և սպորտի միջազգային միության գլխավոր մրցանակին:
Կարմիր գորգը նշանավորեց «Ոսկե ծիրան» կինոփառատոնի մեկնարկը
13:38 13.07.2015 (Թարմացված է: 13:39 13.07.2015)
© Sputnik / Asatur Yesayants
Բաժանորդագրվել
Ալ. Սպենդիարյանի անվան օպերայի և բալետի ազգային ակադեմիական թատրոնի շենքի մոտ հավաքվել էին մեծ թվով կինոյի սիրահարներ և մարդիկ, ովքեր ցանկանում էին տեսնել համաշխարհային կինոյի լեգենդներին։
