ԵՐԵՎԱՆ, 11 հուլիսի–Sputnik. Հայաստանն ու հայկական սփյուռքը միջմշակութային երկխոսության կարևոր մասնակիցներն են, շաբաթ օրը Երևանում հայտարարեց ՅՈւՆԵՍԿՕ–ի գլխավոր քարտուղարի մշակութային հարցերով օգնական Ալֆրեդո Պերես դ'Արմինիան։
«Հայաստանը շատ կարևոր դերակատարություն ունի մշակույթի և հատկապես միջմշակութային երկխոսության ոլորտում։ Մասնակցելով այս երկխոսությանը` Հայաստանը ձեռք է բերել սեփական ինքնությունը», – ասաց դ'Արմինիան ՅՈւՆԵՍԿՕ–ի հիմնադրման 70–ամյակին նվիրված համաժողովում։
Պատասխանելով այն հարցին, թե ինչպե՞ս է ՅՈւՆԵՍԿՕ–ն վերաբերվում հարևան երկրներում և Մերձավոր Արևելքում հայկական մշակութային հուշարձանների ոչնչացման փաստին` նա նշեց, որ կազմակերպությունը չի միջամտում երկրների երկկողմ հարաբերությունների հարցին մշակութային հուշարձանների պահպանման տեսակետից։
«Ըստ ՅՈւՆԵՍԿՕ–ի կոնվենցիաներին, որոնք վերաբերում են մշակութային ժառանգության պահպանմանը, տարբեր երկրների կառավարությունները շատ կարևոր դեր են խաղում այս գործում։ ՅՈւՆԵՍԿՕ–ն մեծ դերակատարություն ունի մշակութային ժառանգության պահպանման գործում։ Սակայն կոնվենցիաների կատարման պատասխանատվությունը ընկնում է տարբեր երկրների կոմիտեների վրա, բայց երբեմն նրանք չեն կարողանում գալ ընդհանուր որոշման», – նշեց նա։
ՅՈւՆԵՍԿՕ–ի հիմնադրման 70–ամյակին նվիրված համաժողովին քննարկվում է ՅՈւՆԵՍԿՕ–ի կոնվենցիաներին միացած երկրների մշակութային քաղաքականության ոլորտի փորձը։ Բացի այդ, կոնֆերանսի շրջանակում կկայանան «Մշակույթի դերը կայուն զարգացման գործում 2015 թ. օրա¬կարգից հետո. նոր իրականություն և հեռանկարներ» խորագրով լիագումար և «Մշակույթի ապագան. Ապագայի մշակույթը» եզրափակիչ նիստերը։
Համաժողովի վերջում կընդունվի հռչակագիր, որը համահունչ է ՅՈւՆԵՍԿՕ–ի համաժողովի հայեցակարգերին և սկզբունքներին։ Տեղի կունենա նաև «Հայաստան–ՅՈւՆԵՍԿՕ. մշակույթ» գրքի շնորհանդեսը։
Համաժողովի մասնակիցները կշրջեն Երևանում, կծանոթանան հայկական մշակութային արժեքների և տեսարժան վայրերին, կայցելեն Հայաստանի պատմության թանգարան, Սերգեյ Փարաջանովի թանգարան, Գաֆէսճեան արվեստի կենտրոն, Մատենադարան, Ծիծեռնակաբերդ, Մայր Աթոռ Սուրբ Էջմիածին։
ՅՈւՆԵՍԿՕ. Հայաստանը միջմշակութային երկխոսության կարևոր մասնակիցն է
![Здание штаб-квартиры ЮНЕСКО Здание штаб-квартиры ЮНЕСКО - Sputnik Արմենիա](https://cdn.am.sputniknews.ru/img/02/21/022168_0:0:3173:1785_600x0_80_0_0_c99dfb4b8144fb17228ec363ec3385bc.jpg)
© Sputnik / Ю. Поляков
/ Բաժանորդագրվել
Երևանում ընթացող համաժողովի ժամանակ, որը նվիրված է ՅՈւՆԵՍԿՕ–ի հիմնադրման 70–ամյակին, քննարկվում է մշակութային քաղաքականության ոլորտում տարբեր երկրները փորձը