ԵՐԵՎԱՆ, 10 հուլիսի – Sputnik. Ամերիկահայ միլիարդատեր և բարերար Քըրք Քրքորյանի մահը չի խանգարի նրա վերջին մտահղացումներից մեկի` Հայոց ցեղասպանության մասին ֆիլմի էկրանավորմանը
Հիշեցնենք, որ կինոմագնատ և բարերար Քրքորյանը մահացել է հունիսի 16–ի լույս գիշերը 98 տարեկան հասակում։
Ինչպես հայտնում են արտասահմանյան ԶԼՄ–ները, ֆիլմը կոչվելու է «Խոստում», իսկ գլխավոր դերերում հանդես կգան օսկարակիր Քրիստիան Բեյլը և Օսկարի նոմինանտ Օսկար Այզեկը։ Ֆիլմը կնկարահանի Survival Pictures կինոընկերությունը։
Ժապավենի տնօրեն Թերրի Ջորջի («Ռուանդա հյուրանոց» ֆիլմից) խոսքով, ֆիլմը պատմում է Առաջին համաշխարհային պատերազմի տարիներին սիրո պատմության մասին «Դոկտոր Ժիվագո» և «Կարմիրները» ֆիլմերի ոճով։
Դրամայի գործողությունները ծավալվում են Օսմանյան կայսրության գոյության վերջին օրերին և անդրադառնում են Հայոց ցեղասպանության թեմային։ Սյուժեի հիմքում Մայքլ անունով ուսանող բժիշկի, գեղեցիկ Աննայի և ամերիկացի լրագրող Քրիսի միջև սիրային եռանկյունին է։
«System of A Down» ռոք խմբի մենակատար Սերժ Թանկյանն իր հերթին Facebook սոցցանցի իր էջում հայտնել է, որ մտադիր է մասնակցել այդ կինոնախագծին։
Նա նշել է, որ վերջին տարիներին պատիվ է ունեցել աջակցելու և խորհուրդներ տալու իր ընկեր Էսրայելյանին (Survival Pictures կինոընկերության ղեկավարին) այդ խոշոր նախագծի իրագործման հարցում։
Նա խոստացել է տեղեկություն հաղորդել նոր մանրամասների դեպքում։
Քըրք Քրքորյանի մահը չի խանգարի Հայոց ցեղասպանության մասին ֆիլմի էկրանավորմանը
21:11 10.07.2015 (Թարմացված է: 21:20 10.07.2015)
Բաժանորդագրվել
Միլիարդատեր Քըրք Քըրքորյանի վերջին նախագծին` Հայոց ցեղասպանության մասին պատմող ֆիլմին մասնակցելու են հոլիվուդյան հայտնի դերասաններ
