Մահացել է հայտնի դերասան Օմար Շարիֆը

ԵՐԵՎԱՆ, 10 հուլիսի – Sputnik. Մահացել է եգիպտացի դերասան Օմար Շարիֆը, գրում է Gazeta.ru-ն` հղում անելով AlArabiya–ին։ Դերասանը 83 տարեկան էր։


Ավելի վաղ ՌԻԱ Նովոստին գրել էր, որ լեգենդար դերասանը, ով հայտնի է «Լոուրենս Արաբացի» և «Դոկտոր Ժիվագո» ֆիլմերում խաղացած դերերով, կյանքի վերջին  3 տարիներին տառապում էր Ալցհայմերի հիվանդությամբ, նա արդեն սկսել էր մոռանալ իր հայտնի դերերի մասին։

Մահվան պատճառները պարզվում են։

Օմար Շարիֆը ծնվել է 1932թ.–ին Եգիպտոսում։ Նրա իսկական անունն է Միշել Դեմիտրի Շալուբ։ Դերասանի կարիերան սկսել է «Կուրացնող արև» եգիպտական ֆիլմով։ Իր առաջին անգլիալեզու ֆիլմում («Լոուրենս Արաբացի» (1962 թ.)) շերիֆ Ալիի դերի համար Շարիֆն «Օսկար» մրցանակ է ստացել լավագույն երկրորդական դերի համար։ 1965թ.–ին Բորիս Պաստեռնակի «Դոկտոր Ժիվագո» վեպի հիման վրա նկարահանված համանուն ֆիլմում նա մարմնավորել է գլխավոր հերոսին։