ԵՐԵՎԱՆ, հուլիսի 10– Sputnik. ՆԱՍԱ–ի մասնագետները ստեղծել են ռենտգենյան ճառագայթման օղակների անիմացիոն պատկերներ, որոնք արձակում է Կարապ V404 (Cygni) սև խոռոչը` դրա համար օգտագործելով Swift տիեզերական արբանյակի ռենտգենյան հեռադիտակը, գրում է ՌԻԱ Նովոստին։
V404 Cygni–ն Երկրին ամենամոտ սև խոռոչն է, մինչև խոռոչ հեռավարությունը կազմում է 7,8 հազար լուսային տարի։ ՆԱՍԱ–ի արբանյակը նկարել է սև խոռոչն այս տարվա հունիսի 30–ից հուլիսի 4–ը։
Աստղաֆիզիկոսները կարծում են, որ օղակները սկիզբ են առնում մեծ բռնկումից` գրանցված հունիսի 26–ին։
Ավելի վաղ հաղորդվել էր, որ Կարապ V404–ն արթնացել է 26 տարվա լռությունից հետո։ Վերջին անգամ Կարապ V404 համակարգում սև խոռոչը բռնկվել է 1989թ.–ին, և դա դարձել է սև խոռոչների ուսումնասիրման մեջ բեկումնային պահերից մեկը։ Այնուհետև օբյեկտը վերադարձել է հանգիստ վիճակի, և աստղաֆիզիկոսներին հաջողվել է դիտել նրա հարևան աստղը, որն աստիճանաբար կլանվում է սև խոռոչով։ Գիտնականները նշում են, որ սև խոռոչը ներկա պահին իրեն անկանխատեսելի է պահում` փոխելով իր փայլը մի քանի մեծության ժամերի և նույնիսկ րոպեների ընթացքում։
Գիտնականներ. սև խոռոչ–հրեշն արձակում է ռենտգենյան ճառագայթման օղակներ
© Sputnik / Борис Бабанов
/ Բաժանորդագրվել
Աստղաֆիզիկոսները կարծում են, որ օղակները սկիզբ են առնում մեծ բռնկումից` գրանցված հունիսի 26–ին