ԵՐԵՎԱՆ, 8 հուլիսի–Sputnik. ՀՀ կրթության և գիտության նախարարությունում հինգշաբթի տեղի է ունեցել պետական և ոչ պետական բարձրագույն ուսումնական հաստատությունների 2015-2016 ուսումնական տարվա առկա ուսուցման ընդունելության հանրապետական ընդունող հանձնաժողովի առաջին նիստը, որը վարել է հանձնաժողովի նախագահ, ՀՀ ԿԳ նախարար Արմեն Աշոտյանը, հաղորդում է ՀՀ ԿԳ նախարարության մամուլի ծառայությունը։
Ըստ հաղորդագրության` օրակարգում ընդգրկված են եղել կառավարության որոշմամբ հատկացված լրացուցիչ և թափուր մնացած պետպատվեր տեղերի վերաբաշխման հարցերը, ինչպես նաև ընթացիկ մի քանի այլ հարցեր:
Անդրադարձ կատարելով ընդունելության ցուցակների հրապարակմանը՝ ընդունող հանձնաժողովը արձանագրել է, որ դրանք կհրապարկվեն հուլիսի 14-ին:
Քննարկելով պատվերով առկա թափուր և լրացուցիչ տեղերի բաշխման հարցը՝ Արմեն Աշոտյանը ներկայացրել է հիմնական առաջնահերթությունները։
Ըստ հաղորդագրության` նախապատվությունը տրվելու է միջազգային մրցույթներում, օլիմպիադաներում հաղթական արդյունքներ ունեցող դիմորդներին, արվեստի և մշակույթի բնագավառի ինչպես նաև մարզային բուհերին:
«Կրթության և գիտության նախարարի առաջարկությամբ լրացուցիչ տեղերից 10 տեղ հատկացվել է Կինոյի և թատրոնի պետական ինստիտուտի Շուշիի մասնաճյուղին»,–ասված է հաղորդագրությունում։
Նշվում է նաև, որ որոշվել է հավասար միավորներ ունեցող դիմորդներին ևս ընդառաջել՝ ապահովելով նրանց կրթության իրավունքը պետական պատվերի շրջանակում:
Ազգային փոքրամասնությունների հայտի հիման վրա ևս մեկ պետպատվերի տեղ հատկացվել է եզդիական համայնքին:
Նիստի ընթացքում քննարկվել է նաև թափուր մնացած վճարովի տեղերի վերաբաշխման հարցը։
Բուհերի ընդունելության ցուցակները կհրապարակվեն հուլիսի 14–ին
CC BY-SA 4.0 / Economy and Values Research Center / Presentation of ACR 2010 (cropped, resized and color corrected)
Բաժանորդագրվել
Հանրապետական ընդունող հանձնաժողովը նիստի ժամանակ աշխատանքային կարգով քննարկել է նաև ընդունելության գործընթացին առնչվող մի շարք աշխատանքային հարցեր։
