ԵՐԵՎԱՆ, հուլիսի 9–Sputnik. Եվրասիական տնտեսական միության բոլոր հինգ անդամ երկրները վավերացրել են միջազգային միավորմանը Ղրղըզստանի միանալու մասին պայմանագիրը, հինգշաբթի հաղորդել է Ղրղըզստանի էկոնոմիկայի նախարար Օլեգ Պանկրատովը` հղում անելով ԶԼՄ–ներում հաղորդագրություններին։
ԵՏՄ–ին Ղրղըզստանի միանալու մասին պայմանագիրը ստորագրվել է անցած տարվա դեկտեմբերին Մոսկվայում Գերագույն եվրասիական տնտեսական խորհրդի նիստում։ Մայիսի 22–ին Ղրղըզստանի նախագահ Ալմազբեկ Աթամբաևը ստորագրել է օրինագիծ ԵՏՄ–ին հանրապետության միանալու միջազգային պայմանագրերի վավերացման մասին։ Ներկա պահին ԶԼՄ–ների հաղորդագրություններով` Ղրղըզստանի միանալու մասին բոլոր ներքին վավերացման ընթացակարգերն ավարտվել են միության անդամ երկրներում։
«Ամենագլխավոր փուլը եղել է բոլոր հինգ երկրների խորհրդարանների կողմից Ղրղըզստանի` ԵՏՄ մտնելու մասին պայմանագրի վավերացումը։ Այսօր ԶԼՄ–ների հաղորդագրություններից (մենք սպասում ենք հաստատման դիվանագիտական աղբյուրներից) այդ ընթացակարգը բոլոր երկրներում ավարտվել է։ Ամենամեծ սպառնալիքը, որ ԵՏՄ–ին Ղրղըզստանի միանալը կարող էր հետաձգվել մինչև աշուն, ետևում է։ Բոլոր խորհրդարանականներն արտահայտել են իրենց կամքը։ Եվ հիմնավորված արգելքներ չկան ԵՏՄ–ին Ղրղըզստանի միանալու համար»,– ասել է նախարարը, հաղորդում է ՌԻԱ Նովոստին։
Նրա խոսքով` ընթացակարգի համաձայն, հիմա վավերացված փաստաթղթերը պետք է ստորագրեն բոլոր անդամ երկրների նախագահները։ Ստորագրումից հետո դիվանագիտական աղբյուրներով կուղարկվեն Եվրասիական տնտեսական հանձնաժողովի դեպոզիտարիա։ «Հենց վերջին ծանուցումը ստացվի ԵՏՀ, Ղրղըզստանն ավտոմատ կերպով կդառնա Եվրասիական տնտեսական միության լիիրավ անդամ»,– նշել է Պանկրատովը։
Ավելի վաղ ՌԻԱ Նովոստիին տված հարցազրույցում Ղրղըզստանի վարչապետ Թեմիր Սարիևը հաղորդել է, որ Ղրղըզստանի մաքսային սահմանները կբացվեն նույն օրը, երբ կստացվեն ԵՏՄ բոլոր երկրների վավերացման նոտաները։
ԵՏՄ–ը տնտեսական միություն է` ստեղծված ՌԴ Մաքսային միության հիման վրա։ Նրա կազմի մեջ մտնում են Ռուսաստանը, Հայաստանը, Ղազախստանը և Բելառուսը։
Միությունը ենթադրում է անդամ երկրների միջև ապրանքների, ծառայությունների, կապիտալների և աշխատանքների ռեսուրսների ազատ տեղափոխություն։ ԵՏՄ պետությունները զբաղեցնում են ցամաքի մեկ յոթերորդ մասը և ներկա պահում կազմում են համաշխարհային ՀՆԱ 4 տոկոսը։
ԵՏՄ բոլոր երկրները վավերացրել են Ղրղըզստանի միանալու մասին պայմանագիրը
Բաժանորդագրվել
ԵՏՄ–ին Ղրղըզստանի միանալու մասին պայմանագիրը ստորագրվել է անցած տարվա դեկտեմբերին Մոսկվայում ԵՏԽ նիստում։ Մայիսի 22–ին Ղրղըզստանի նախագահ Ալմազբեկ Աթամբաևը ստորագրել է օրինագիծ` ԵՏՄ–ին հանրապետության միանալու միջազգային պայմանագրերի վավերացման մասին
