Փորձագետ. Երևանի ակցիաները ցույց տվեցին մարդկանց` լավ կյանքի ձգտումը

ԵՐԵՎԱՆ, 7 հուլիսի–Sputnik. Հայաստանում էլեկտրաէներգիայի թանկացման դեմ բողոքի շարժումը ցույց տվեց հայ ժողովրդի ձգտումը դեպի ավելի լավ և բարեկեցիկ կյանք, հայտնել է «Վերելք» հիմնադրամի նախագահ Արծրուն Պեպանյանը։

Հունիսի կեսին Հայաստանի հանրային ծառայությունները կարգավորող հանձնաժողովը որոշում ընդունեց 16 տոկոսով բարձրացնել էլեկտրաէներգիայի սակագինը, ընդ որում «Հայաստանի էլեկտրական ցանցեր» ընկերությունն իր հայտում մտադիր էր սակագինը բարձրացնել 40,8 տոկոսով։ Այս ամենը հանգեցրեց բողոքի ակցիայի, որը սկսվեց Երևանում և տևեց 2 շաբաթ, վերածվեց քայլերթի դեպի նախագահի նստավայր` Մարշալ Բաղրամյան պողոտա։

Հուլիսի 6-ին ոստիկանությունն առաց ուժ կիրառելու բացեց Բաղրամյան պողոտան, որը ցուցարարներն արգելափակել էին հունիսի 22-ից։ Ընդ որում, 46 մարդ ձերբակալվեց, սակայն շուտով ազատ արձակվեց։

Ակցիայի ամենալարված պահին հայկական իշխանություններն առաջարկեցին անցկացնել «Էլցանցեր»  կազմակերպության աուդիտ, իսկ աուդիտի ընթացքում սակագները կսուբսիդավորվեն։

«Այս շարժման ամենամեծ ձեռքբերումն այն էր, որ այն ցույց է տվեց, որ հույսը, կամքի ուժը և դեպի լավը ձգտելու ցանկությունը մնացել են։ Անհրաժեշտ են միայն համապատասխան պայմաններ և մարդիկ, որոնք կապահովեն այդ ձգտման զարգացումը», – ասել է Պեպանյանը։

Նրա խոսքերով` հայերը սովորել են հեղափոխական շարժումներին, որոնք միտված են իշխանափոխության, իսկ մնացածներին կասկածանքով են վերաբերվում։

«Սակայն այս անգամ երիտասարդությունը դուրս է եկել սոցիալական բողոքով, մենք պետք է ընտելանանք այն մտքին, որ նման շարժումները կոնկրետ նպատակներ են հետապնդում և կոնկրետ խնդիրներ են լուծում, այստեղ չկան հաղթողներ և պարտվողներ», – կարծում է Պեպանյանը։

Նրա խոսքերով` Բաղրամյան պողոտան լքած ցուցարար երիտասարդության մի մասը` բավարարվելով իշխանությունների «Էլցանցերի» աուդիտ անցկացնելու որոշումով, իրավացի էր։

«Մնացած ցուցարարներն իրենց առջև դնում էին բացարձակ այլ` քաղաքական հարցեր, անգամ եթե այդ մասին չէին բարձրաձայնում», – ասել է Պեպանյանը։