ԵՐԵՎԱՆ, հուլիսի 7-Sputnik. Շատ բուսակերների և մրգի ու բանջարեղենի սիրահարների մոտ սրտի և անոթների առողջության պատճառը վիտամին C-ն է, որն առկա է մեծ քանակությամբ պտուղներում և բույսերում, ինչը թույլ է տալիս օգտագործել այն որպես միջոց` սրտանոթային համակարգի պաշտպանության համար։ Այդ մասին, ինչպես գրում է ՌԻԱ Նովոստին, հայտարարում են սրտաբանները American Journal of Clinical Nutrition–ում հրապարակված հոդվածում։
«Մենք գիտենք, որ մրգերը և բանջարեղենն օգտակար են մեր առողջության համար, և մեր հետազոտությունը ցույց է տվել, թե ինչու է դա այդպես։ Մեծ քանակությամբ բուսական սնունդ ուտելը բնական կերպով բարձրացնում է արյան մեջ վիտամին C–ի խտությունը։ Իհարկե, նման արդյունքի կարելի է հասնել` օգտագործելով սովորական հաբերով վիտամիններ, սակայն մրգերը և բանջերեղենն ավելի համեղ են, և նրանք ընտելացնում են մեզ առողջ կենսակերպ պահպանելուն»,– հայտարարել է Բյորգե Նորդեստգաարդը Կոպնեհագենի (Դանիա) համալսարանից։
Նորդեստգաարդը և նրա գործընկերները պարզել են, որ վիտամին C–ն սրտի և անոթների առողջության երկարացման միջոց է` հետևելով ավելի քան 100 հազար դանիացիների կյանքին և դիետային ու համեմատելով ինֆարկտից և սրտի ու անոթների այլ հիվանդություններից նրանց մահվան հաճախականության տվյալները նրա հետ, թե ինչպես է կառուցված ԴՆԹ–ն։
Ինչպես ցույց են տվել ուսումնասիրությունները, ավելի շատ մրգեր և բանջարեղեն օգտագործող մարդիկ մոտավորապես 15 տոկոսով ավելի քիչ են տառապել սրտանոթային համակարգի խնդիրներից և 20 տոկոսով ավելի քիչ են մահացել, քան հետազոտությանը մասնակցած այլ դանիացիները։
Ինչպես ցույց է տվել հետագա վերլուծությունը, դրա պատճառներից մեկն այն է եղել, որ վիտամին C–ն խթանում է շարակցական հյուսվածքի աճը, որը պահպանում է սրտի և մարմնի այլ օրգանների կայուն աշխատանքը։ Բացի այդ, այն հզոր հակաօքսիդանտ է, որը պաշտպանում է ԴՆԹ–ն և սրտի ու անոթների բջիջներում սպիտակուցները վնասվելուց և ոչ կոռեկտ աշխատանքից։
Ինչպես նշում է Նորդեստգաարդը, լիովին հնարավոր է, որ մրգերում և բանջարեղենում առկա են նաև այլ միացություններ, որոնք դրական են ազդում սրտանոթային համակարգի առողջության վրա։ Հիմա նրա խումբն աշխատում է նման օգտակար նյութեր որոնելու ուղղությամբ։
Գիտնականներ. Վիտամին С-ն կօգնի կանխել ինֆարկտը և սրտի հետ կապված խնդիրները
18:33 07.07.2015 (Թարմացված է: 18:34 07.07.2015)
© Sputnik / Олег Ласточкин
/ Բաժանորդագրվել
Մեծ քանակությամբ միրգ և բանջարեղեն ուտելը կամ պարզապես վիտամին С ընդունելը 20 տոկոսով նվազեցնում է ինֆարկտից, կաթվածից և սրտի ու անոթների հետ խնդիրներից վաղաժամ մահվան վտանգը, պարզել են դանիացի բժիշկները
