ԵՐԵՎԱՆ, 6 հուլիսի–Sputnik. Ներկա պահին Հայաստանում բնակվում է մոտ 14 հազար սիրիահայ, հայտնել է Հայաստանի արտաքին գործերի նախարար Էդվարդ Նալբանդյանը «Էստադաո» հրատարակչությանը տված հարցազրույցում։
«Որոշ այլ երկրներում փախստականների թիվը շատ ավելին կարող է լինել, սակայն փոքր Հայաստանի համար սա շատ մեծ թիվ է», – մեջբերում է Նալբանդյանի խոսքերը արտաքին քաղաքական գերատեսչության մամուլի ծառայությունը։
ԱԳՆ ղեկավարի խոսքերով` իշխանությունները փորձում են աջակցել նրանց, ովքեր գալիս են պատմական հայրենիք։
«Սակայն դեռ ունենք մեծ թվով՝ տասնյակ հազարավոր հայեր, ովքեր ապրում են Սիրիայում, այդ թվում՝ Հալեպում։ Շատ բարդ է կոնկրետ թիվ ասել», – պարզաբանել է նա։
Ինչպես նշել է Նալբանդյանը, այդ պատճառով մեր գլխավոր հյուպատոսությունը երբեք չի դադարեցրել իր ծառայությունը Հալեպում և այսօր հանդիսանում է այնտեղ գործող միակ դիվանագիտական ներկայացուցչությունը:
«Իհարկե, մենք ունենք նաև մեր դեսպանությունը Դամասկոսում: Այդ երկրում ընթացող իրադարձությունների մասին տեղեկատվությունը մեզ հասնում է ոչ միայն դեսպանությունից և գլխավոր հյուպատոսությունից, այլև՝ Սիրիայում բնակվող հայերից», – ավելացրել է ԱԳՆ–ի ղեկավարը։
Մինչև հակամարտության սկիզբը Սիրիայում բնակվում էր ավելի քան 100 հազար մարդ, որոնց մեծամասնությունը` Հալեպի հյուսիսում և Էլ–Հասակեի հյուսիս–արևելքում։ Սիրիական ճգնաժամից հետո արաբական հանրապետությունը լքել է մոտ 90 հազար հայ։
Նալբանդյան. Մոտ 14 հազար սիրիահայ է բնակվում Հայաստանում
© Sputnik / Владимир Федоренко
/ Բաժանորդագրվել
Ներկա պահին Հայաստանում բնակվում է մոտ 14 հազար սիրիահայ և, ինչպես նշել է ԱԳՆ–ի ղեկավար Էդվարդ Նալբանդյանը, փոքր Հայաստանի համար սա շատ մեծ թիվ է։
