ԵՐԵՎԱՆ, հուլիսի 4 – Sputnik. Իրանի և միջազգային միջորդների բանակցություններն ընթանալու են Իրանի առաջարկած պայմաններով, «Sputnik-Արմենիա»-ին ասել է «Մերձավոր Արևելքի ինստիտուտ» անկախ գիտական կենտրոնի նախագահ, արևելագետ Եվգենի Սատանովսկին։
«Ինձ չի հետաքրքում, թե այս ընթացքում բանակցող կողմերն ինչ հայտարարություններով են հանդես եկել: Առանց այդ հայտարարությունների էլ պարզ էր, որ Իրանը պնդելու էր բանակցություններն անցկացնել իր նախանշած պայմաններով: Դա բերելու է այնպիսի արդյունքի, որը ձեռնտու է Իրանին»,-ասել է Եվգենի Սատանովսկին:
Արևելագետի համոզմամբ՝ այս ընթացքում Արեւմուտքը փորձելու է փրկել իր դեմքը: Արդյունքում՝ Իրանն ունենալու է իր միջուկային զենքը, իսկ Իրանի նավթն ու գազը մասամբ հասնելու են Եվրոպա, որն ամենևին էլ չի թուլացնի ռուսական կողմի դիրքերը:
Այս փուլում բանակցությունները կավարտվե՞ն, թե՞ ոչ՝ փորձագետը դժվարանում է կանխատեսել, բայց ընդգծում է, որ ակնհայտ է՝ ԱՄՆ նախագահ Բարաք Օբաման ցանկանում է, որ Իրանը վերադառնա էներգակիրների շուկա:
«Իրանն էլ իր հերթին պատրաստ է կարգավորել ԱՄՆ-ի հետ հարաբերությունները: Թե դա երբ տեղի կունենա, պարզ չէ»,-եզրափակել է Եվգենի Սատանովսկին:
Սատանովսկի. Իրան - միջազգային միջնորդներ բանակցություններն ընթանալու են Իրանի առաջարկած պայմաններով
© Sputnik / Алексей Даничев
/ Բաժանորդագրվել
Եվգենի Սատանովսկին կարծում է, որ Իրանի և միջազգային միջորդների բանակցություններն ընթանալու են Իրանի առաջարկած պայմաններով, Իրանն ունենալու է իր միջուկային զենքը։
