Հայաստանում ՀՌՕ ռազմակայանում արդիականացվում են օբյեկտները

ԵՐԵՎԱՆ, 2 հուլիսի. – Sputnik. Հայաստանում Հարավային ռազմական օկրուգի ռուսական ռազմակայանում Գյումրու ռազմական կայազորում «Մեծ ամրոց» ռազմական քաղաքի տարածքում սկսվել է միավորման զինծառայողների ճաշարանի հիմնանորոգումը, հայտնում է ՀՌՕ–ի մամուլի ծառայությունը։

Ճաշարանի արդիականացումն ուղղված է «շվեդական սեղան» նոր համակարգով զինծառայողների սնունդն ապահովելու համար տարածքների վերազինմանը, որտեղ միաժամանակ կկարողանան ճաշել ավելի քան 600 զինծառայողներ։

Սննդի նոր համակարգի ներդրումը, հաշվի առնելով շոգ կլիմայով բարձրալեռնային տեղանքի առանձնահատկությունը, թույլ կտա ցերեկային կերակրացանկում ավելացնել վիտամիններով, սպիտակուցներով, ճարպերով և հանքանյութերով հարուստ կերակրատեսակներ։

Մեկ ամսվա ընթացքում ճաշարանի շենքում կարդիականացնեն և կնորոգվեն տարածքներն ու հաղորդակցությունները, կտեղադրվի սննդային նոր ժամանակակից բլոկ և կփոխարինվի օդորակման համակարգը։

Շենքի դիմերեսը չի փոխվի, այն կապակցությամբ, որ այն «Ալեքսանդրապոլի ամրոցի» ճարտարապետական պատմական շինություն է։

Տարեսկզբից Գյումրու և Երևանի ռազմական կայազորների տարածքում նորոգվել մոտ 20 ծառայողական օբյեկտ, որոնց թվում` «Զինվորական փառքի» հուշահամալիրն է թանգարանով, Գյումրու ռազմակայանի և Էրեբունու ավիկայանի շտաբները, Ռուսաստանի պաշտպանության նախարարության 2 դպրոցներ, զինվորական ճաշարանը, զինվորական սենյակները, բժշկական հաստատության մասնաշենքը։