Բլյուզի աստղ Բեթ Հարթը համերգ կտա Երևանում

ԵՐԵՎԱՆ, 2 հուլիսի. –  Sputnik. Հայտնի երգչուհի Բեթ Հարթը հինգշաբթի լույս գիշերը ժամանել է Երևան, որտեղ հուլիսի 3–ին համերգ կտա։

Ինչպես հայտնում է Sputnik գործակալության թղթակիցը, Երևանի օդանավակայանում երգչուհուն դիմավորել են կազմակերպիչները, նրա տաղանդի երկրպագուները, ինչպես նաև բլյուզի և ջազի սիրահարները։

Բեթ Հարթին ուղեկցում են մի խումբ երաժիշտներ և նրա ամուսին Սքոթ Գեթսկովը, ով միշտ եղել է երգչուհու կողքին նրա կյանքի ամենաբարդ ժամանակահատվածում։

Ամերիկյան ջազի աստղի համերգը կկայանա Կ.Դեմիրճյանի անվան մարզահամերգային համալիրում։

Երգչուհի և երգերի հեղինակ Բեթ Հարթը (Beth Hart) ծնվել է 1972 թվականի հունվարի 24–ին Լոս Անջելեսում։ Ճանաչում է ստացել 1999 թվականին Screamin' for My Supper ալբոմի LA Song (Out of This Town) սինգլից հետո։ Նրա առաջին Immortal ալբոմը միանգամից Բեթ Հարթին փառք բերեց և ստացավ մուլտիկողմանիի կարգավիճակ։ Այդ ալբոմի կոմպոզիցիաները հիթեր են դարդել Ատլանտյան օվկիանոսի երկու ափերին։