ԵՐԵՎԱՆ, հուլիսի 2–Sputnik. Հայաստանում հուլիսի 5–ին տեղի կունենա հեծանվաերթ գործարարների և դիվանագետների մասնակցությամբ, հինգշաբթի լրագրողներին ասաց Միջազգային գործարար կապերի աջակցության խորհրդի նախագահ Մարիամ Մանուկյանը։
Նրա խոսքով` միջոցառումն անցկացվում է արդեն երրորդ անգամ և ավանդաբար նվիրվում է Հայաստանի Սահմանադրության օրվան, որը նշվում է հուլիսի 5–ին։
Հեծնվավազքը մեկնարկում է Mariott հյուրանոցից տեղական ժամանակով 18։00–ին։ Անցնելով մայրաքաղաքի փողոցներով` դրա մասնակիցները կհասնեն վերջնական կանգառ` Երևանի քաղաքապետարան։
Միջոցառումը կազմակերպել է GMG Media Group–ը Հայաստանի սպորտի և երիտասարդության հարցերի նախարարության աջակցությամբ։
«Հեծանվաերթին մասնակցում է շուրջ 60 հոգի` պետական կառույցների ներկայացուցիչներ, դիվանագետներ»,– ասաց Մանուկյանը։
Նա նշեց, որ միջոցառմանը մասնակցող բոլոր քաղաքական գործիչները և գործարարները միշտ հանդես են գալիս ակտիվ կենսակերպի օգտին։
«Այս տարի սպորտի և երիտասարդության հարցերի նախարարությունը նույնպես աջակցել է հեծանվաերթ անցկացնելու GMG Media Group–ի նախաձեռնությանը»,– հավելեց Մանուկյանը։
Նրա խոսքով` առաջին երեք հաղթողները, որոնք կհասնեն նշանակետին բոլորից արագ, կստանան հատուկ մրցանակներ, իսկ մնացած մասնակիցները` շնորհակալագրեր և հավաստագրեր։
Նա ավելացրեց, որ միջոցառմանը հրավիրված են Բրազիլիայի, Հնդկաստանի, ԱՄՆ–ի, Ռումինիայի դեսպանները։
Իր հերթին, սպորտի և երիտասարդության հարցերի նախարարության մամուլի ծառայության ներկայացուցիչ Աստղիկ Մարտիրոսյանը նշեց, որ հեծնվաերթն անցկացնելիս կազմակերպիչները խորհրդակցել են Հայաստանի Սիրողական հեծանվասպորտի ֆեդերացիայի հետ։
«Սա պորֆեսիոնալ հեծանվավազք չէ, ուստի հաղթողներին որոշելը հեշտ կլինի»,– նշեց Մարտիրոսյանը և հավելեց, որ, ամենայն հավանականությամբ, ճանապարհի երթևեկելի հատվածը, որով պետք է անցնեն մասնակիցները, փակ կլինի մարաթոնի անցկացման ժամանակ։
«Հեծնվաերթի բոլոր մասնակիցներին կուղեկցեն ոստիկանական և, ամենայն հավանականությամբ, «Շտապօգնության» մեքենաներ»,– ավելացրեց Մարտիրոսյանը։
Հուլիսի 5–ին Երևանում տեղի կունենա գործարարների և դիվանագետների հեծանվավազք
© Sputnik / Алексей Филиппов
/ Բաժանորդագրվել
Պետական կառույցների շուրջ 60 ներկայացուցիչներ, գործարարներ, դիվանագետներ Երևանում կմասնակցեն հեծանվաերթի, հաղորդեց Միջազգային գործարար կապերի աջակցության խորհրդի նախագահ Մարիամ Մանուկյանը։
