ԵՐԵՎԱՆ, 1 հուլիսի – Sputnik. Sputnik մուլտիմեդիոն լրատվական գործակալությունը հայտարարել է Հայաստանում լրատվական պորտալի գործարկման մասին։ Նոր պորտալը կգործի հայերեն և ռուսերեն լեզուներով։
Ռեսուրսը, որը հասանելի է sputnik.co.am և sputnikarmenia.ru հասցեներով, կոչված է ներկայացնելու միջազգային արդիական թեմաների շուրջ առկա կարծիքների ողջ բազմազանությունը։ «Sputnik Արմենիա» ռադիոկայանն արդեն հեռարձակվում է երկրի տարածքի FM- միջակայքում, իսկ հուլիսի 1–ից հասանելի կդառնա sputnik.co.am և sputnikarmenia.ru կայքերի օգտատերերի համար։
Հայալեզու և ռուսալեզու պորտալը կհամալրի Sputnik–ի` արդեն աշխատող անգլերեն, ֆրանսերեն, սերբերեն, պորտուգալերեն, արաբերեն, հինդի, լեհերեն, իտալերեն, չեխերեն, վիետնամերեն, ճապոներեն, կորեերեն, պարսկերեն, ուրդու, դարի, փուշթուն, քրդերեն, շվեդերեն, նորվեգերեն, դանիերեն, ֆիներեն, գերմաներեն, իսպաներեն, չինարեն, թուրքերեն, բելառուսերեն, մոլդովերեն, վրացերեն, ադրբեջաներեն, ղրղըզերեն, օսերեն և աբխազերեն լեզուներով լրատվական ռեսուրսների շարքը։
«Sputnik–ը զանգվածային ժամանակակից լրատվամիջոց է, որը մյուս ԶԼՄ–ներից տարբերվում է, նախևառաջ, թեմաների ընտրությամբ, տեսանկյունով, աշխարհընկալմամբ»,– մեկնաբանում է Sputnik լրատվական գործակալության ծառայությունների աշխատանքը Sputnik գործակալության գլխավոր խմբագիր Մարգարիտա Սիմոնյանը։
Արտացոլելով բազմաբևեռ աշխարհի պատկերը` Sputnik–ի կայքերը նախատեսված են այլընտրանքային բազմաթիվ տեսակետների համադրմամբ հետաքրքրվող լսարանի համար։ sputnik.co.am և sputnikarmenia.ru կայքերում հրապարակվող տեղեկատվության որակը որոշվում է ինչպես լրագրողների բարձր պրոֆեսիոնալիզմով, այնպես էլ մուլտիմեդիոն ձևաչափերի օգտագործմամբ։
Կայքն ընթերցողին տրամադրում է բազմազան կոնտենտ` ինֆոգրաֆիկա, տեսանյութեր, ֆոտոռեպորտաժներ, առցանց եթերներ, ինտերնետային քվեարկություններ։ Բացի օպերատիվ լուրերից, Sputnik–ն իր լսարանին է առաջարկում նաև վերլուծական նյութեր, բացառիկ հարցազրույցներ, փորձագիտական գնահատականներ։
Sputnik–ը (sputniknews.com) լրատվական գործակալություն և ռադիո է մուլտիմեդիոն մասնաճյուղերով տասնյակ երկրներում։ Sputnik–ն ընդգրկում է կայքեր, անալոգային և թվային ռադիոհեռարձակում, բջջային հավելվածներ և էջեր սոցցանցերում։ Բաժանորդների համար Sputnik–ի լրահոսը շուրջօրյա թողարկվում է անգլերեն, արաբերեն, իսպաներեն և չինարեն լեզուներով։ Լավագույն ցանկություններով` Sputnik մամուլի ծառայություն։
Sputnik–ը գործարկվել է Հայաստանում
© Sputnik / Алексей Даничев / Անցնել մեդիապահոցПодготовка к открытию Петербургского экономического форума
![Подготовка к открытию Петербургского экономического форума Подготовка к открытию Петербургского экономического форума - Sputnik Արմենիա](https://cdn.am.sputniknews.ru/img/06/32/063203_0:187:2958:1860_600x0_80_0_0_59eb1603bcacf5d3b49891efca8ea126.jpg)
© Sputnik / Алексей Даничев
/ Բաժանորդագրվել
Նոր մուլտիմեդիոն Sputnik կայքը կաշխատի հայերեն և ռուսերեն լեզուներով