ԵՐԵՎԱՆ, հուլիսի 1–Spitnik. Վրաստանը հուլիսի 1–ից սկսել է անցում կատարել թվային հեռուստատեսային հեռարձակման, անալոգային հեռարձակման անջատումը տեղի է ունենում փուլ առ փուլ` սկսած երկրի մայրաքաղաքից, հաղորդում է ՌԻԱ Նովոստին։
«Անալոգային հեռարձակման անջատումը և թվայինի անցում կատարելը կիրականանա փուլ առ փուլ և 6 շաբաթների ընթացքում կընդգրկի Վրաստանի ողջ տարածքը` սկսած Թբիլիսիից, Ռուսթավիից և մայրաքաղաքին հարակից տարածքներից»,– հայտարարել են լրագրողներին։
Գերատեսչության տվյալներով` բնակչության այն հատվածը, որը ստանում է ազդանշան արտաքին ալեհավաքների միջոցով և որի հեռուստացույցները հագեցած չեն թվային ընդունիչով, ազդանշան ստանալու համար կպահանջվի հատուկ set-top box սարք, որը կարելի է ձեռք բերել տեխնիկայի ցանկացած խանութում, իսկ սոցիալապես անապահով կարգավիճակ ունեցող բնակիչները, որոնք ունենք որոշակի քանակությամբ միավորներ, սարքերը կստանան անվճար։
Ի սկզբանե թվային հեռարձակման անցում կատարելը պլանավորվում էր Վրաստանում հունիսի 17–ին միջազգային համաձայնագրի շրջանակում, սակայն հունիսի 14–ին Թբիլիսիում ավերիչ ջրհեղեղի պատճառով այդ գործընթացը հետաձգվել էր երկու շաբաթով։
Վրաստանը սկսել է անցում կատարել թվային հեռարձակման
11:37 01.07.2015 (Թարմացված է: 11:43 01.07.2015)
Բաժանորդագրվել
Հուլիսի 1–ին Վրաստանում մեկնարկում է անալոգայինից թվային հեռուստատեսային հեռարձակման անցումը, հաղորդում է Վրաստանի Հաղորդակցությունների ազգային հանձնաժողովը
