ԵՐԵՎԱՆ, 16 հունիսի — Sputnik. Հայաստանի իշխանությունն աշխատում է ցածր բյուջետային ավիաընկերություններ ներգրավել «Շիրակ» օդանավակայան, երեքշաբթի Ազգային ժողովում ասաց Հայաստանի էկոնոմիկայի նախարար Կարեն Ճշմարիտյանը։
«Մենք ցանկանում ենք Գյումրի քաղաքի օդանավակայան ներգրավել մի շարք անվանի, փոքր բյուջե ունեցող ավիաընկերություններ։ Մասնավորապես, Հայաստանը բանակցություններ է վարում հունգարական Wizz Air (արդեն իրականացնում է թռիչքներ վրացական Քութայիսից), բրիտանական EasyJet և իսպանական Vueling ընկերությունների հետ»,– ասաց նախարարը։
Նա հույս հայտնեց, որ որոշակի արդյունքների կարելի է հասնել մինչև տարեվերջ։
Հայաստանի Ազգային ժողովը չորեքշաբթի արտահերթ նիստում երկրորդ և վերջնական ընթերցմամբ ընդունել է «Պետական տուրքի մասին» օրենքում շտկումները, որոնց համապատասխան «Շիրակ» օդանավակայանի չվերթերից օգտվող ուղևորները կազատվեն «օդի հարկից»։
Ներկա պահին Հայաստանում գործում է երկու օդանավակայան` Երևանի «Զվարթնոցը» և Գյումրիի «Շիրակը», որոնց շահագործումն իրականացնում է «Արմենիա» միջազգային օդանավակայաններ» ՓԲԸ–ն` 30 տարի ժամկետով կոնցեսիոն կառավարման մասին պայմանագրին համապատասխան։ Պայմանագիրը Հայաստանի կառավարության հետ կնքվել է 2001թ.–ին։
«Արմենիա» միջազգային օդանավակայաններ» ՓԲԸ–ի սեփականատերն է արգենտինական American International Airports–ը, որը պատկանում է արգենտինահայ Էդուարդո Էռնեկյանին։
Հայաստանն աշխատում է ցածր բյուջետային ավիաընկերություններ ներգրավելու ուղղությամբ. նախարար
© Sputnik / Михаил Воскресенский / Անցնել մեդիապահոցОткрытие международной выставки Paris Air Show Le Bourget 2015
![Открытие международной выставки Paris Air Show Le Bourget 2015 Открытие международной выставки Paris Air Show Le Bourget 2015 - Sputnik Արմենիա](https://cdn.am.sputniknews.ru/img/04/11/041157_0:154:3076:1893_600x0_80_0_0_946e245d1110415def678f883bcae58b.jpg)
© Sputnik / Михаил Воскресенский
/ Բաժանորդագրվել
Հայաստանի իշխանությունն աշխատում է ցածր բյուջետային ավիաընկերություններ ներգրավել «Շիրակ» օդանավակայան, երեքշաբթի Ազգային ժողովում ասաց Հայաստանի էկոնոմիկայի նախարար Կարեն Ճշմարիտյանը։