ԵՐԵՎԱՆ, 11 հունիսի — Sputnik. ՖԻՖԱ–ում գրանցված վերջին կոռուպցիոն սկանդալները, ինչպես նաև Ֆուտբոլի միջազգային ֆեդերացիայի նախագահ Յոզեֆ Բլատերի հրաժարականը կապված են 2018 թ.–ի աշխարհի առաջնության անցկացման իրավունքը Ռուսաստանից վերցնելու ցանկության հետ, կարծում է լեգենդար ֆուտբոլիստ, Երևանի «Արարատ» ակումբի և ԽՍՀՄ հավաքականի նախկին կիսապաշտպան Խորեն Հովհաննիսյանը։
«Իմ կարծիքով` այս ամենը արվում է, որպեսզի 2018 թ.–ի աշխարհի առաջնությունը չանցկացվի Ռուսաստանում։ Ես, իհարկե, չեմ կարող պնդել, սակայն ամեն ինչ դա է մատնանշում։ Բնական է, որ նմանատիպ հսկայական կառույցներում անխուսափելի են կոռուպցիայի հետ կապված դեպքերը։ Բլատերը մեծ մասնագետ է, ով շատ լավ է աշխատել և կարողացել է ֆուտբոլը բարձրացնել ոչ միայն հեղինակության, այլ նաև շահութաբերության տեսակետից», – ասաց Հովհաննիսյանը «Նովոստի–Արմենիա» գործակալությանը տված բացառիկ հարցազրույցում։
Նա նաև նշեց, որ չի ցանկանում ոչ մեկի մեղադրել կամ դատել այնպիսի երևույթների մասին, որոնցից տեղեկացված չէ։
«Շատ եմ ցանկանում, որպեսզի Ֆուտբոլի միջազգային ֆեդերացիայի նոր ղեկավար դառնա այնպիսի խելացի մարդ, ով կկարողանա համախմբել ՈւԵՖԱ–ն և ՖԻՖԱ–ն», – ավելացրեց Հովհաննիսյանը։ –0–
ՖԻՖԱ–ի սկանդալը կապված է 2018–ի աշխարհի առաջնության անցկացումը Ռուսաստանում արգելելու ցանկության հետ. Հովհաննիսյան
16:50 16.06.2015 (Թարմացված է: 16:56 16.06.2015)
© Sputnik / Асатур Есаянц
Բաժանորդագրվել
ՖԻՖԱ–ում գրանցված վերջին կոռուպցիոն սկանդալները, ինչպես նաև ՖԻՖԱ–ի նախագահ Յոզեֆ Բլատերի հրաժարականը կապված են 2018 թ.–ի աշխարհի առաջնության անցկացման իրավունքը Ռուսաստանից վերցնելու ցանկության հետ, կարծում է լեգենդար ֆուտբոլիստ Խորեն Հովհաննիսյանը։
