ԵՐԵՎԱՆ, 23 հունիսի –Sputnik. ԱՄՆ ՌՕՈՒ–ի A-29 Super Tucano ռազմական ինքնաթիռը կործանվել է Ամերիկայի Նյու Մեքսիկո նահանգում, հայտնում են ամերիկյան ԶԼՄ–ները` հղում անելով Հոլոման ավիակայանի հրամանատարությանը։
Ռեդ Ռիո հրաձգարանի մերձակայքում ուրբաթ երեկոյան վթարված ինքնաթիռի հետևանքով օդաչուներից մեկը վնասվածքներ է ստացել, նա հոսպիտալացվել է։ Երկրորդ օդաչուի մասին տեղեկությունները դեռ ճշտվում են։
Միջադեպը տեղի է ունեցել ուսումնական թռիչքի ժամանակ։
Նշենք, որ այս օդանավերն ԱՄՆ զինուժն օգտագործում է հետախուզության, զորքերի ավիացիոն աջակցության նպատակներով:
Հիշեցնենք, որ մայիսին Ջորջիա նահանգում կործանվել էր C-130 ռազմատրանսպորտային ինքնաթիռը, որի հետևանքով 9 մարդ էր մահացել։
