Վաղինակ Սարգսյան. «Մերձավոր Արևելքում առկա իրավիճակով պայմանավորված սահմանախախտումների դեպքերն ավելացել են»
Վաղինակ Սարգսյանը նշում է, որ Սիրիայում և Իրաքում ընթացող մարտական գործողությունների պատճառով Թուրքիա անցած փախստականները փորձում են ներթափանցել Հայաստան, այստեղից էլ՝ դեպի Եվրոպա։
«Մերձավոր Արևելքում առկա իրավիճակով պայմանավորված սահմանախախտումների դեպքերն ավելացել են։ Հայաստանն այդ առումով դիտարկվում է պոտենցիալ տարանցիկ երկիր։ Իսկ սահմանախախտները հիմնականում թուրքեր են, քրդեր, բանգլադեշցիներ»,-նշում է Սարգսյանը։
Չնայած սահմանախախտումների դեպքերի աճին, զինվորականը վստահեցնում է, որ Հայաստանի սահմաններն անառիկ են։
Վերջին մի քանի ամիսների ընթացքում հայ-թուրքական սահմանը հսկող ՌԴ անվտանգության դաշնային ծառայության սահմանապահ զորքերի զինծառայողները Թուրքիայից դեպի Հայաստան անցած տասնյակ սահմանախախտներ են բռնել։
