ԵՐԵՎԱՆ, 26 հունվարի — Sputnik. Վարչապետ Կարեն Կարապետյանը հիշեցրեց` հունվարի 24-ին` մոսկովյան այցի ժամանակ, վերջնականապես հաստատվեց ՌԴ քաղաքացիների` առանց արտասահմանյան անձնագրի ՀՀ մուտք գործելը։
«Ազգային անվտանգության ծառայությանը հանձնարարում եմ հարցի տեխնիկական հնարավորություններն ապահովել մինչև մարտի 1-ը, որ արդեն սկսվի ներքին անձնագիր ունեցող ՌԴ քաղաքացիների մուտքը Հայաստան»,-ասաց գործադիրի ղեկավարը։
Իսկ զբոսաշրջության պետական կոմիտեին կառավարության ղեկավարը հանձնարարեց, շահագրգիռ կառույցների և մասնավոր հատվածի հետ աշխատելով, ապահովել ՌԴ քաղաքացիների համար զբոսաշրջության ծառայությունների լայն փաթեթ։ Մարտի 1-ին նրանք կառավարության աշխատակազմ պետք է ներկայացնեն կատարված աշխատանքների մասին հաշվետվություն։
