Հազարավոր ուսուցիչներ բողոքի ակցիա են անցկացրել Անկարայում՝ Թուրքիայում կրթական հաստատությունների վրա երկու զինված հարձակումներից հետո: Հանրահավաքի ժամանակ, որը տեղի է ունեցել ապրիլի 15-ի երեկոյան, նրանք պահանջել են, որպեսզի կրթության նախարարությունը հասնի մեղավորներին պատասխանատվության ենթարկելուն։
Ապրիլի 15-ի ցերեկը տեղի է ունեցել նաև թուրք ուսուցիչների գործադուլ, նրանք պահանջել են կրթության նախարար Յուսուֆ Թեքինի հրաժարականը:
Նշենք, որ ապրիլի 14-ին զինված հարձակում է եղել Շանլիուրֆա շրջանի դպրոցի վրա, որի արդյունքում տուժել է շուրջ 20 մարդ: Հարձակվողը նախկին աշակերտ է եղել, նա ինքնասպանություն է գործել։ Ապրիլի 15-ին զինված միջադեպ է տեղի ունեցել Ղահրամանմարաշի դպրոցներից մեկում, զոհվել է ութ աշակերտ և մեկ ուսուցիչ։ Տուժել է 13 մարդ, նրանցից 6-ը գտնվում են վերակենդանացման բաժանմունքում, ընդ որում 3-ը՝ ծայրահեղ ծանր վիճակում: Հարձակվողը 8-րդ դասարանի աշակերտ է, հարձակումից հետո նա նույնպես ինքնասպան է եղել: