Վլադիկավկազի հրավառ տեխնիկայի պահեստում հզոր պայթյուն է որոտացել, որն առաջացել է հրավառության համար նախատեսված պարագաների պայթյունից։ Այս մասին գրում է ՌԻԱ Նովոստին՝ հղում անելով տարածաշրջանի իրավապահ մարմիններին։
Հրդեհաշիջումը դժվարանում է անդադար պայթյունների պատճառով։ Հրդեհը տարածվել ու հասել է մոտակա շինանյութի խանութին։
Հաղորդվում է, որ կա առնվազն 8 տուժած, որոնց վիճակը ծանր է։ SHOT-ի տվյալներով՝ 6-ը տեղափոխվել են Հանրապետական կլինիկական հիվանդանոց, ևս մեկը՝ շտապ բուժօգնության հիվանդանոց։ Տուժածների թվում կա մեկ երեխա, նրան այժմ մանկական կլինիկական հիվանդանոց են տեղափոխում։