Շիրակի թեմի հոգևորականները պատարագ են մատուցում Սուրբ Ամենափրկիչ եկեղեցում։ Sputnik Արմենիայի նկարահանած կադրերում երևում է, որ եկեղեցին բազմամարդ է։
Նշենք, որ զուգահեռաբար պատարագ է մատուցվում Յոթ Վերք եկեղեցում, որին մասնակցում են ՀՀ վարչապետ Նիկոլ Փաշինյանը, նախագահ Վահագն Խաչատուրյանը, կառավարության անդամներ, պատգամավորներ, ՔՊ աջակիցներ։ Շիրակի թեմի որևէ հոգևորական այնտեղ ներկա չէ, քանի որ նրանք հրաժարվել են պատարագը մատուցել Փաշինյանին ցանկալի ձևով՝ կաթողիկոսի անունը զեղչելովԼ
Պատարագիչ քահանան Արմավիրի թեմից Մկրտիչ Մուշադյանն է։ Մասնակցում են ՀՀ վարչապետ Նիկոլ Փաշինյանի հետ հանդիպած և կաթողիկոսին դեմ դուրս եկած եպիսկոպոսներից մի քանիսը՝ Արարատյան թեմի առաջնորդ Նավասարդ արքեպիսկոպոս Կճոյանը, Մասյացոտնի թեմի առաջնորդ Գևորգ եպիսկոպոս Սարոյանը, Արմավիրի թեմի առաջնորդ Սիոն եպիսկոպոս Ադամյանը, Բալթյան երկրների թեմի առաջնորդ Վազգեն արքեպիսկոպոս Միրզախանյանը։
Հիշեցնենք` տևական ժամանակ է` ՀՀ իշխանությունը արշավ է սկսել եկեղեցու ու հատկապես կաթողիկոսի դեմ։ Ճաղերի հետևում են «Սրբազան պայքար» շարժման առաջնորդ Բագրատ արքեպիսկոպոս Գալստանյանը, Շիրակի թեմի առաջնորդ Միքայել արքեպիսկոպոս Աջապահյանը, Արագածոտնի թեմի առաջնորդ Մկրտիչ սրբազանը, Մայր աթոռի դիվանապետ Արշակ արքեպիսկոպոս Խաչատրյանը։