Ամերիկացի գործարար Իլոն Մասկը X սոցցանցի իր էջում հրապարակել է արհեստական բանականության կողմից ստեղծված ռոբոտների տեսանյութ:
Կադրերում երևում է, թե ինչպես են Optimus մարդանման հումանոիդ ռոբոտները, որոնք արտադրում է իր Tesla ընկերությունը, կատարում շինարարների, բժիշկների, ոստիկանների, խոհարարների և նույնիսկ պոկեր խաղացողների գործառույթներ:
Գործարարը դեռ չի մեկնաբանել, թե ինչի հետ է կապված հրապարակումը։ Տեսանյութի բնօրինակը նա վերցրել է սոցցանցի օգտատերերից մեկից։
Ավելի վաղ Մասկը հայտարարել էր, որ Optimus-ը կկարողանա վերացնել աղքատությունը և մարդկանց ապահովել համընդհանուր բարձր եկամտով:
Wired պարբերականը գրել է, որ միլիարդատերը պլանավորում է ռոբոտների բանակի ստեղծումը սկսել 2026-ի վերջին։