Մուղնիի Սուրբ Գևորգ եկեղեցում միասնական աղոթք հնչեց հայ ժողովրդի, ապօրինի ազատազրկված հոգևորականների և մյուս ազատազրկվածների համար։
Հոգևորականները շարականների ուղեկցությամբ խոնարհվեցին Սուրբ Գևորգի մասունքների առջև` հայցելով նրա բարեխոսությունը։
Միասնական աղոթքն ավարտվեց Մայր աթոռի և Հայրապետի պահպանության շարականով։
Մյուս հինգշաբթի միասնական աղոթքը և ժամերգությունը կկայանան Տեղերի Սուրբ Աստվածածին եկեղեցում։
Հիշեցնենք` տևական ժամանակ է` ՀՀ իշխանությունը արշավ է սկսել նաև եկեղեցու ու հատկապես կաթողիկոսի դեմ։ Ճաղերի հետևում են «Սրբազան պայքար» շարժման առաջնորդ Բագրատ արքեպիսկոպոս Գալստանյանը, Շիրակի թեմի առաջնորդ Միքայել արքեպիսկոպոս Աջապահյանը, Արագածոտնի թեմի առաջնորդ Մկրտիչ սրբազանը և Արագածոտնի թեմի դիվանապետ Գարեգին Արսենյանը։