Պենտագոնը ցույց է տվել` ինչպես են հակաբունկերային ռումբերով խփել Իրանի միջուկային օբյեկտին

«Ի տարբերություն սովորական ավիառումբի, այստեղ դուք չեք տեսնի հարվածի հետևանքով առաջացած ձագար։ Այս զինամթերքը նախատեսված է ստորերկրյա խոր ներթափանցման, այնուհետև պայթելու համար: Ես գիտեմ, որ այդ մասին շատ հարցեր են եղել։ Բոլոր վեց զինամթերքները, որոնք ուղղված են Ֆորդոյի օդափոխման համակարգերին, հարվածել են ճիշտ սահմանված կետերին: Ռումբն ունի երեք խոցող գործոն՝ հարվածային ալիք (blast), բեկորներ (fragmentation) և գերճնշում (overpressure)։ Տվյալ դեպքում թիրախային տարածության ներսում խոցման հիմնական մեխանիզմը եղել է գերճնշման և պայթեցման ալիքի համադրությունը, որոնք անցել են բաց թունելներով և ոչնչացրել կրիտիկական կարևոր սարքավորումները», - ասել է նա։