ԵՐԵՎԱՆ, 19 մարտի – Sputnik. ԱՄՆ նախագահ Դոնալդ Թրամփը և Վլադիմիր Զելենսկին այսօրվա հեռախոսազրույցի ընթացքում համաձայնեցրել են երկնքում և ծովում հրադադարի ռեժիմի մանրամասները։ Ինչպես հաղորդում է ՌԻԱ Նովոստին, այս մասին հայտնել է ուկրաինական Հանրային հեռուստաալիքը` հղում անելով Զելենսկու գրասենյակի աղբյուրին։
Թրամփն ավելի վաղ հայտնել էր, որ շուրջ մեկ ժամ զրուցել է Զելենսկու հետ։
«Թրամփն ու Զելենսկին համաձայնեցրել են երկնքում և ծովում հրադադարի մանրամասները, ինչպես նաև այն, թե ինչպես կարելի է հրադադարի հասնել ճակատում։ Զելենսկին տեղեկացրել է մարտի դաշտում տիրող իրավիճակի մասին։ Քննարկել են նաև գերիներին ազատ արձակելու հարցը»,- ասված է հեռուստաալիքի ասված է Հանրայինի Telegram-ալիքում հրապարակված հաղորդագրության մեջ։
Հիշեցնենք` Պուտինն ու Թրամփը մարտի 18–ին զրուցել են հեռախոսով։ Կրեմլի մամուլի ծառայությունը հայտնել է, որ զրույցի ընթացքում երկու երկրների ղեկավարները քննարկել են ուկրաինական ռազմական հակամարտության կարգավորումը, ինչպես նաև փոխադարձ հետաքրքրություն են հայտնել հարաբերությունների կարգավորման հարցում՝ աշխարհում անվտանգության և կայունության ապահովման համար հատուկ պատասխանատվության համատեքստում:
Պուտինը ողջունել է Թրամփի առաջարկը, որ ուկրաինական հակամարտության կողմերը 30 օրով փոխադարձաբար հրաժարվեն էներգետիկ ենթակառուցվածքի օբյեկտներին հարվածելուց։ Զելենսկին նույնպես հայտարարել է, որ աջակցում է այդ առաջարկին։