Վերին Պտղնիի ավտոլվացման կետերից մեկում Հնդկաստանի քաղաքացու դի է հայտնաբերվել

ԵՐԵՎԱՆ, 18 հունիսի – Sputnik. Այսօր Կոտայքի մարզի Վերին Պտղնի գյուղի ավտոլվացման կետերից մեկում Հնդկաստանի Հանրապետության քաղաքացու դի է հայտնաբերվել։ Տեղեկությունը հայտնում է shamshyan.com-ը։

Ըստ կայքի` ոստիկանությունն առավոտյան ժամը 07:15-ի սահմաններում ահազանգ է ստացել, որ Երևան-Աբովյան խճուղու 6/3 հասցեում գործող ավտոլվացման կետում տղամարդու դի կա:

Դատաբժշկի նախնական եզրակացության համաձայն՝ արտաքին զննությամբ դիակի վրա բռնության հետքեր չեն հայտնաբերվել: