Արմավիրի մարզում ուժեղ կարկտահարության իրական վնասը պարզելու համար ժամանակ է պետք։ Սակայն արդեն իսկ կարելի է ասել, որ գյուղացիները բերքի մի մասը կորցրել են։
Կօգնի՞ արդյոք Հայաստանի կառավարությունը՝ փոխհատուցելով վնասի գոնե մի մասը՝ դժվար է ասել, մանավանդ եթե հաշվի առնենք, որ գյուղատնտեսները մինչև այսօր չեն ստացել խաղողի և ծիրանի անցած տարի կորցրած բերքի ապահովագրությունով հասանելիք գումարները։
Գինու ազգային կենտրոնի նախագահ Ավագ Հարությունյանն ասել է, որ խաղողի այն այգիները, որտեղ տեղադրված են հակակարկտային ցանցեր, որևէ կերպ չեն տուժել։ Բայց դրանք խոշոր ընկերությունների և համեմատաբար հարուստ ֆերմերների այգիներն են, իսկ թե ինչ է սպասվում հասրակ գյուղացուն՝ դեռ պետք է հաշվել։ Չնայած, ըստ Ավագ Գրիգորյանի՝ դրա իմաստն էլ չկա, եթե խաղողը չի ապահովագրվում։