ԵՐԵՎԱՆ, 13 ապրիլի — Sputnik. Հովհաննես Այվազովսկու «Հարավային ափին» նկարը, որը նախապես գնահատվել էր 400-600 հազար ֆունտ ստեռլինգ (մոտավորապես 196-294 մլն դրամ), աճուրդում վաճառվել է 514 հազարով (252 մլն 171 532դրամ` այս պահի փոխարժեքով,–խմբ.), հաղորդում է «Կուլտուրոմանիա» կայքը։
Աճուրդը կազմակերպել է MacDougall's աճուրդի տունը։
Աճուրդի մեկ այլ գոհար է դարձել Կոնստանտին Գորբատովի «Բաց պատուհան» կտավը, որը նախապես գնահատվել է 100-200 հազար ֆունտ ստեռլինգ, իսկ վաճառվել է 116 935 ֆունտ ստեռլինգով (57 մլն 369 023 դրամ):
Աճուրդն անցկացվել է մարտի 18-ից ապրիլի 10-ը առցանց ձևաչափով՝ Փարիզի Hôtel Drouot աճուրդի տան հարթակում։