Ամանորյա խումարի բուժման համար պետք չէ սպաս կամ խաշ ուտել, ինչպես նաև խորհուրդ չի տրվում ալկոհոլի օգտագործումը։ Այս մասին ասել է սննդաբան և մարզիչ Տիգրան Ասկարյանը։
«Պետք է պարզապես շատ ջուր խմել։ Օրգանիզմը մաքրելու համար կարելի է սմուզիներ օգտագործել։ Շատ լավ օգնում է հանքային ջուրը լիմոնի աղով։ Ոչ մի դեպքում չի կարելի գարեջուր կամ այլ ալկոհոլ խմել», – ընդգծեց նա։
Սննդաբանը նաև խորհուրդ է տալիս ամանորյա սեղանից հեռացնել քաղցրավենիքը, և այն ուտել միայն հիմնական սննդից 2-3 ժամ հետո։ Ասկարյանը կարծում է, որ պետք չէ գայթակղվել դիետիկ քաղցրավենիքով, քանզի այն ունի գրեթե նույն կալորիականությունը, և համն էլ զիջում է։ Նա կարծում է, որ սովորական քաղցրավենիք կարելի է ուտել, սակայն փոքր չափաբաժնով։
«Երեք օրում անհնար է այնքան քաշ հավաքել, որ մի քանի ամիս նիհարելու կարիք լինի։ Եթե բալանսավորված սնվեք, մեկ շաբաթում կայրեք կուտակածը։ Կարևորը` չխառնել ուտեստները և չկորցնել չափի զգացողությունը», - նկատեց մարզիչը։
Ասկարյանը նաև ասել է` պետք է արդյոք դիետաներ սկսել Նոր տարվա օրերին, ինչքան կարելի է նիհարել մեկ օրում, մարզման որ տեսակն է օգնում նիհարել։ Նա խորհուրդ է տվել` ինչ սննդակարգի հետևել և ինչքան մարզվել, որ մաքսիմալ էֆեկտիվ լինի։ Ավելի մանրամասն` տեսանյութում։
Կարդացեք նաև`