ԵՐԵՎԱՆ, 11 նոյեմբերի – Sputnik.Ալավերդի–Բագրատաշեն ավտոճանապարհին տեղի է ունեցել ճանապարհատրանսպորտային պատահար, կա տուժած։ Տեղեկությունը հայտնում են ՀՀ ՆԳՆ փրկարար ծառայությունից։
Նշվում է, որ Ալավերդի–Բագրատաշեն ավտոճանապարհի 10–րդ կմ–ին «Ford» մակնիշի ավտոմեքենան դուրս է եկել ավտոճանապահի երթևեկելի հատվածից, մոտ 5 մ գլորվել և կախվել ձորակից. 51–ամյա վարորդ Վ․ Ա․–ն արգելափակվել է ավտոմեքենայում:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ–փրկարարական ջոկատից երկու մարտական հաշվարկ։
Փրկարարները հոսանքազրկել են ավտոմեքենան, փակել գազի բալոնի փականը, սահմանազատել տարածքը, վարորդին դուրս բերել արգելափակումից։
Տուժածը հոսպիտալացվել է։