ԵՐԵՎԱՆ, 23 օգոստոսի – Sputnik. Արագածոտնի մարզի Ջամշլու գյուղի վարչական տարածքում Լոռու մարզի բնակիչ 41-ամյա Հարություն Ս.-ն իր վարած «ԿամԱԶ» մակնիշի կցորդիչով բեռնատարով վրաերթի է ենթարկել նույն գյուղի 9-ամյա բնակիչ Ռ.Ու.–ին։ Տեղեկությունը հայտնում է shamshyan.com–ը։
Միջադեպը տեղի է ունեցել օգոստոսի 23-ին, ժամը 13։20-ի սահմաններում։
Նշվում է, որ վարորդը դեպքի վայրից փախուստի չի դիմել, զանգահարել է շտապօգնություն, ժամանած բժիշկներն արձանագրել են երեխայի մահը։
Ըստ կայքի տեղեկությունների` բեռնատարը ցորեն տեղափոխելիս է եղել։
Դեպքի փաստով նախաձեռնվել է քրեական վարույթ։