Վթար Երևանի կենտրոնում. տուժածներից մեկը երեխա է

ԵՐԵՎԱՆ, 10 մայիսի – Sputnik. Րոպեներ առաջ ավտովթար է տեղի ունեցել Երևանի Մաշտոցի պողոտա–Ամիրյան փողոց խաչմերուկում։

Ինչպես դեպքի վայրից հայտնում է Sputnik Արմենիայի թղթակիցը` դեպքը տեղի է ունեցել ժամը 21։00-ի սահմաններում։ Բախվել են «Hyundai elantra» ու «Lada Samara» մակնիշի ավտոմեքենաները։

Առաջին մեքենան դուրս է եկել ճանապարհի երթևեկելի հատվածից և բախվել մայթեզրի ծառին։

Այդ մեքենայում նաև երեխա է եղել, որը նկարահանման պահին ուսի հատվածում ցավեր ուներ։

Ներկա պահին վթարի վայրում են ոստիկանները։