ԵՐԵՎԱՆ, 8 մարտի – Sputnik. Ադրբեջանական կողմը խոչընդոտում է Արցախ եկող գազատարի վերանորոգման աշխատանքներն սկսելուն։ Նման տեղեկություն է տարածել ԱՀ տարածքային կառավարման և ենթակառուցվածքների նախարարությունը։
Հայտնել էինք, որ Արցախի` Շուշի–Զառիֆլու բնակավայրերի տարածքում տեղի ունեցած վթարի հետևանքով հանրապետության տարածքում գազամատակարարումը խափանվել է։
«Այս գիշեր վնասվել է ՀՀ-ից Արցախ եկող գազատարը: Դեպքը տեղի է ունեցել ադրբեջանական դիրքի մոտ: Ռուսական խաղաղապահ առաքելության միջնորդությամբ բանակցություններ են ընթանում վաղը աշխատանքները սկսելու համար»,–նշված է հաղորդագրության մեջ։
Հետագա ընթացքի մասին ԱՀ տարածքային կառավարման և ենթակառուցվածքների նախարարությունը խոստանում է պարբերաբար տեղեկացնել: