ԵՐԵՎԱՆ, 24 հունվարի – Sputnik. ՌԴ-ում ՀՀ դեսպան Վարդան Տողանյանը հայտարարել է դիվանագիտական առաքելությունն ավարտելու մասին:
«Սիրելի հայրենակիցներ, գրում եմ ձեզ Ռուսաստանի Դաշնությունում Հայաստանի Հանրապետության դեսպանի իմ առաքելության ավարտի կապակցությամբ։ Ինձ համար մեծ պատիվ էր գրեթե հինգ տարի ներկայացնել Հայաստանի Հանրապետությունը դաշնակից Ռուսաստանում, որի հետ մեզ կապում են դարավոր ավանդույթները, հոգևոր մտերմությունը, ամուր եղբայրական կապերը և ընդհանուր ձեռքբերումների պատմությունը»,- ասված է դիվանագետի հայտարարությունում, որը հրապարակվել է դեսպանության ֆեյսբուքյան էջում։
Տողանյանը Մոսկվայում Հայաստանի դեսպան էր նշանակվել 2017թ.: Հունվարի 5-ին ՌԴ–ում ՀՀ դեսպան նշանակվեց պաշտպանության նախկին նախարար Վաղարշակ Հարությունյանը։