«Պարմեզան» պանրի հայկական` «Արմեզան» տեսակը կարելի է համտեսել «Գաստրո բակում»

ՄԱԶԾ մշտական ներկայացուցիչն ու Հայաստանում ՌԴ դեսպանը նշեցին, որ նմանատիպ զբոսաշրջային վայրերը շատ պահանջված են գյուղական բնակավայրերում կյանքի որակի բարելավման, զբոսաշրջության ոլորտի և համայնքների համաչափ զարգացման տեսանկյունից:
Sputnik
ԵՐԵՎԱՆ, 1 դեկտեմբերի – Sputnik. Գեղարքունիքի մարզի Գավառ քաղաքի Արծվաքար թաղամասում այսօր տեղի է ունեցել Միքայելյանների պանրի մառանի՝ «Գաստրո բակի» պաշտոնական բացման արարողությունը: Տեղեկությունը հայտնում են Գեղարքունիքի մարզպետարանից։
Միջոցառմանը ներկա են եղել Հայաստանում ՄԱԶԾ մշտական ներկայացուցիչ Նաթիա Նացվիլիշվիլին, Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինը, ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը, ՀՀ ԿԳՄՍ նախարարի տեղակալ Ժաննա Անդրեասյանը և ՀՀ Գեղարքունիքի մարզպետ Կարեն Սարգսյանը։
Գավառում ՄԱԶԾ աջակցությամբ տեղի ունեցան կաթի վերամշակման լաբորատորիայի և պանրի մառանի բացման արարողությունները (1 դեկտեմբերի, 2021թ). Գեղարքունիք
Միքայելյանների ընտանեկան բիզնեսն արդեն ճանաչված է իր պանրի մառանով ու այնտեղ արտադրվող ավելի քան 10 տեսակի պանիրներով, որոնցից են՝ «Պարմեզան» պանրի հայկական` «Արմեզան» տարբերակը, կոնյակի և գինու մեջ պատրաստված ու խաղողի տերևի մեջ փաթաթված պանիրը, այլ տեսակներ։
Այստեղ պատրաստվում է նաև հայկական ինքնատիպ խամոն՝ ոսկորով խոզապուխտ:
«Գաստրո բակը» հանդիսանում է Միքայելյանների ընտանեկան բիզնեսը, որը հիմնադրվել է ՄԱԶԾ «Ինտեգրված գյուղական զբոսաշրջության զարգացում» ծրագրի աջակցությամբ և ֆինանսավորվել Ռուսաստանի Դաշնության կառավարության կողմից:
Արմեզան դարձած պարմեզանը, կամ Միքայելյանների ստեղծած «ոգելից պանիրների արքայությունը»
ՄԱԶԾ մշտական ներկայացուցիչն ու Հայաստանում ՌԴ դեսպանը նշեցին, որ նմանատիպ զբոսաշրջային վայրերը շատ պահանջված են գյուղական բնակավայրերում կյանքի որակի բարելավման, զբոսաշրջության ոլորտի և համայնքների համաչափ զարգացման տեսանկյունից:
Նույն օրը Գավառի պետական գյուղատնտեսական քոլեջում տեղի ունեցավ նաև կաթի վերամշակման լաբորատորիայի պաշտոնական բացման արարողությունը։
Պանի՞ր, թե՞ պանրային մթերք. ի՞նչ իրավիճակ է հայաստանյան կաթնամթերքի շուկայում
ՀՀ ՏԿԵ նախարարի տեղակալ Վաչե Տերտերյանը, շնորհակալություն հայտնելով ՌԴ կառավարությանը եւ ՄԱԶԾ-ին՝ նշեց, որ այդ նախաձեռնությունը շատ կարեւոր է թիրախային ու բովանդակային առումներով։
«Ծրագիրն ունի թե՛ կրթական, թե՛ արտադրական նշանակություն, այն շատ պահանջված է Գեղարքունիքի մարզի կայուն զարգացման, տնտեսական ակտիվության, նոր աշխատատեղերի ստեղծման առումներով»,-նշեց նա։
Գավառում ՄԱԶԾ աջակցությամբ տեղի ունեցան կաթի վերամշակման լաբորատորիայի և պանրի մառանի բացման արարողությունները (1 դեկտեմբերի, 2021թ). Գեղարքունիք
Հանդիսավոր արարողությունից հետո ներկաները լաբորատորիայում ականատես եղան քոլեջի ուսանողների կողմից ցուցադրվող պանրի պատրաստման վարպետաց դասին: