ԵՐԵՎԱՆ, 19 փետրվարի - Sputnik. Մաքսային մուտքերը 2020թ.-ին 2019-ի համեմատ նվազել են, բայց 2018թ.-ի հետ գրեթե նույնն են: Տեղեկությունն այսօր հրավիրված ասուլիսում հայտնեց ՀՀ ՊԵԿ մաքսային վիճակագրության և եկամուտների հաշվառման վարչության պետ Մնացական Շարաֆյանը:
Նվազման պատճառն, ըստ նրա, համավարակն է:
«Մաքսային վիճակագրական տվյալների շտեմարանում առկա տվյալները փաստում են, որ մենք մոտ 17.5 % ներմուծման նվազում և 7% արտահանման նվազում ունենք»,- ասաց Շարաֆյանը՝ հավելելով, որ այս ցուցանիշները դեռ վերջնական չեն ու մշակման փուլում են: Վերջնական թվային տվյալները կներկայացվեն մարտ ամսին:
Հետաքրքրական է, որ 2020թ-ին, չնայած համավարակով պայմանավորված փակ սահմաններին, պաշտոնական վիճակագրության համաձայն, Հայաստանում ավելացել է ապրանք արտահանողների թիվը:
Հայաստանի 1000 խոշոր հարկատուները հայտնի են. ՊԵԿ-ը հրապարակել է ցանկը
«Արտահանողների թվաքանակը միանշանակ ավելացել է, իսկ ներմուծողների թվաքանակում կտրուկ անկում չի եղել, այսինքն՝ պահպանվել է»,- հայտնեց Շարաֆյանը:
Ընդ որում, նրա խոսքով, արտահանված ապրանքները բազմազան են՝ սկսած տրիկոտաժից մինչև հանքարդյունաբերական արտադրանք:
Պե՞տք է, որ երկրում գործեն բազմաթիվ զինված կառույցներ. Քոչարյանը` ՊԵԿ-ին զինելու մասին