Օդի ջերմաստիճանը նորից կբարձրանա. եղանակի տեսություն

ԵՐԵՎԱՆ, 8 օգոստոսի – Sputnik. Առաջիկա օրերին Հայաստանում տեղումներ չեն գրանցվի։ Այս մասին հայտնում է «Հիդրոմետ» ծառայությունը։

«Օգոստոսի 8-12-ը սպասվում է առանց տեղումների եղանակ: Երեկոյան ժամերին Կոտայքում, Արագածոտնի նախալեռներում և Արմավիրում սպասվում է քամու ուժգնացում՝ 20-25 մ/վ»,– նշված է հաղորդագրության մեջ։

Ըստ կանխատեսումների` օդի ջերմաստիճանն օգոստոսի 10-ին կբարձրանա 2-3 աստիճանով։

Երևանում նույնպես անձրև չի տեղա, փոխարենը քամու ուժգնությունը կարող է հասնել 20-25 մ/վ–ի։

Այսօր մայրաքաղաքում ցերեկային ժամերին օդի ջերմաստիճանը կտատանվի 30-32 աստիճանի սահմանում, գիշերը կհասնի +15–ի։

Առաջիկա 5 օրերին՝ հովտային և նախալեռնային շրջաններում սպասվում է բարձր կարգի հրդեհավտանգ իրավիճակ:

Ինչպես են Երևանում դիմանում շոգին. ի՞նչ է այդ մասին գրված աշխատանքային օրենսգրքում