ԵՐԵՎԱՆ, 11 հուլիսի – Sputnik. Գերմանիայի կանցլեր Անգելա Մերկելը Դանիայի վարչապետ Մետտե Ֆրեդերիկսենի հետ հանդիպման ժամանակ երկու երկրի օրհներգերը նստած է լսել։ Այս մասին հայտնում է Die Welt–ը։
Հանդիպման ժամանակ, արարողակարգի համաձայն, երկու ղեկավարները պետք է կանգնած լսեին Գերմանիայի և Դանիայի օրհներգերը։ Սակայն այս անգամ բացառություն է արվել. հատուկ կանցլերի և վարչապետի համար դրել են երկու սպիտակ աթոռ, և նրանք նստած են լսել զինվորական նվագախմբին։
Անգելա Մերկելը կրկին սկսել է ցնցվել պաշտոնական հանդիպման ժամանակ. տեսանյութ
Հիշեցնենք, որ երեքշաբթի Բեռլինում Ֆինլանդիայի վարչապետ Անտի Ռինեի հետ հանդիպման ժամանակ Մերկելը կրկին սկսել էր ցնցվել։
Անցած չորեքշաբթի կանցլերը հայտարարել էր, որ ինքն առողջական խնդիրներ չունի։
Մերկելը կրկին սկսել է ցնցվել Ֆինլանդիայի վարչապետի հետ հանդիպման ժամանակ. տեսանյութ