ԵՐԵՎԱՆ, 12 հոկտեմբերի — Sputnik. Կանադայի վարչապետ Ջասթին Թրյուդոն Հայաստան է ժամանել ոչ միայն Ֆրանկոֆոնիայի գագաթաժողովին մասնակցելու։ Նրա այցը նաև պաշտոնական է։
Ինչպես տեղեկացնում են ՀՀ կառավարության մամուլի ծառայությունից, քիչ առաջ Հայաստանի Հանրապետության վարչապետի՝ Բաղրամյան 26 հասցեում գտնվող հասցեում մեկնարկել է Կանադայի վարչապետ Ջասթին Թրյուդոյի դիմավորման արարողությունը:
Այցի ընթացքում Կանադայի վարչապետը հանդիպում կունենա ՀՀ վարչապետ Նիկոլ Փաշինյանի հետ: Ջասթին Թրյուդոն հանդիպումներ կունենա նաև նախագահ Արմեն Սարգսյանի և Ամենայն Հայոց Կաթողիկոս Գարեգին երկրորդի հետ:
Ի պատիվ Կանադայի վարչապետի նախատեսվում է պաշտոնական ընթրիք Նիկոլ Փաշինյանի անունից։ Ջասթին Թրյուդոն կայցելի նաև Մեծ Եղեռնի զոհերի հուշահամալիր։