Ինչի՞ վրա են ծախսվել արյունաբանության կենտրոնի փողերը. պարզել է նախարարը

ԵՐԵՎԱՆ, 2 հուլիսի — Sputnik. Արյունաբական կենտրոնը շուրջ 25 մլն դրամ է ծախսել` երկու ավտոմեքենա գնելու համար։ Այս մասին իր ֆեյսբուքյան էջում հայտնում է ՀՀ առողջապահության նախարար Արսեն Թորոսյանը։

«Հետաքրքիր է, քանի՞ երեխայի կարելի էր կատարել ոսկրածուծի տրանսպլանտացիա այն 25 մլն դրամով, որը ծախսվել է արյունաբական կենտրոնի այս երկու մեքենաների ձեռք բերման համար»,– գրում է Թորոսյանն ու հրապարակում թանկարժեք ավտոմեքենաների լուսանկարները։

Ըստ նախարարի, արյունաբանության կենտրոնը 2012թ–ին 14.990.000 դրամով գնել է Nissan X Trail, 2017թ–ին 10.300.000 դրամով` Nissan Kicks մակնիշի ավտոմեքենա։Մինչ այդ նախարար Թորոսյանը հայտարարել էր, որ նախարարությունը պարզում է, թե ինչի վրա են ծախսվել քաղաքային առողջապահական հաստատություններից մեկին պետության տրամադրած գումարները, որոնք նախատեսված էին պետպատվելով բուժվող հիվանդներին մատուցվող ծառայությունների համար։