https://arm.sputniknews.ru/20260923/2025-tvakanin-arcakhcineri-gujqajin-iravunqi-657-dimum-e-nerkajacvel-mied-ghazarjan-107206636.html
2025 թվականին արցախցիների գույքային իրավունքի 657 դիմում է ներկայացվել ՄԻԵԴ. Ղազարյան
2025 թվականին արցախցիների գույքային իրավունքի 657 դիմում է ներկայացվել ՄԻԵԴ. Ղազարյան
Sputnik Արմենիա
Փաստաբանը համոզված է, որ արցախցիներն իրենց գույքի դիմաց վաղ թե ուշ փոխհատուցում են ստանալու։ 23.09.2026, Sputnik Արմենիա
2026-09-23T17:11+0400
2026-09-23T17:11+0400
2026-09-23T17:16+0400
հայաստան
արցախ
մարդու իրավունքների եվրոպական դատարան (միեդ)
փոխհատուցում
արցախցի
https://cdn.am.sputniknews.ru/img/871/68/8716829_0:160:3077:1890_1920x0_80_0_0_e179edbda301d5533fedd6403a5b06a6.jpg
ԵՐԵՎԱՆ, 23 սեպտեմբերի – Sputnik. Միջազգային իրավունքի մասնագետ, փաստաբան Արա Ղազարյանի գրասենյակը միայն 2025 թվականի ընթացքում արցախցիների գույքային իրավունքի 657 դիմում է ներկայացրել ՄԻԵԴ։ Նա այդ մասին ասաց ՀՀ ԱԺ–ում «Արցախահայերի սոցիալ–տնտեսական, իրավական խնդիրները և լուծումներ» թեմայով ընդլայնված քննարկման ժամանակ։Ղազարյանը տեղեկացրեց, որ ամեն օր իրենք հանդիպում են 5–6 արցախցի ընտանիքի հետ, վերցնում նրանցից ապացույցներ և ուղարկում ՄԻԵԴ։Նա նշեց, որ հարցազրույցների ժամանակ արցախցիներն իրենց պատմությունները գրում են ձեռագիր, քանի որ դա շատ կարևոր ապացույց է, և ՄԻԵԴ–ը չափազանց արժևորում է, երբ մարդու ձեռքով են գրված պատմությունները, այլ ոչ թե իրավական տերմիններով։«Խաղաղության պայմանագրի նախագծում իրավական պաշտպանվածության մեխանիզմ չկա. հիմնվելով համեմատական իրավունքի վրա` քանի դեռ խաղաղության պայմանագիրը չի առաջարկում իրավական պաշտպանության մեխանիզմ, միջազգային տրիբունալներն իրենց դռները բաց են պահելու։ Սա շատ կարևոր է և՛ արցախցիների գույքային իրավունքների, և՛ ՀՀ–ի համար` մեկ–երկու տասնամյակ հետո քաղաքական նկատառումներով»,– ընդգծեց փաստաբանը։Նա հիշեցրեց, որ վերադարձի իրավունքը երաշխավորված է միջազգային իրավունքում, հատկապես երբ անձինք դուրս են եկել զինված հակամարտության հետևանքով։«Այդ վերադարձը պետք է լինի անվտանգ, արժանապատիվ, որի համար պետք է համապատասխան համակարգեր ստեղծվեն»,– նշեց փաստաբանը։Ղազարյանը համոզված է, որ արցախցիները վաղ թե ուշ ստանալու են ռեպարացիա` փոխհատուցում իրենց գույքի դիմաց` թեկուզ 10 կամ 20 տարի անց, և այդ մասին են վկայում միջազգային իրավունքում առկա բազմաթիվ օրինակները։Հիշեցնենք` Ադրբեջանը 2023 թվականի սեպտեմբերի 19–ին լայնամասշտաբ հարձակում սկսեց Արցախի դեմ։ Ադրբեջանական ագրեսիայի հետևանքով Արցախը մեկ օրում առնվազն 200 զոհ և ավելի քան 400 վիրավոր տվեց։ՀՀ ներքին գործերի նախարարության միգրացիայի և քաղաքացիության ծառայության տվյալներով՝ 2023 թվականի սեպտեմբերից հետո Արցախից 115 365 մարդ է բռնի տեղահանվել Հայաստան։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, արցախ, մարդու իրավունքների եվրոպական դատարան (միեդ), փոխհատուցում, արցախցի
հայաստան, արցախ, մարդու իրավունքների եվրոպական դատարան (միեդ), փոխհատուցում, արցախցի
2025 թվականին արցախցիների գույքային իրավունքի 657 դիմում է ներկայացվել ՄԻԵԴ. Ղազարյան
17:11 23.09.2026 (Թարմացված է: 17:16 23.09.2026) Փաստաբանը համոզված է, որ արցախցիներն իրենց գույքի դիմաց վաղ թե ուշ փոխհատուցում են ստանալու։
ԵՐԵՎԱՆ, 23 սեպտեմբերի – Sputnik. Միջազգային իրավունքի մասնագետ, փաստաբան Արա Ղազարյանի գրասենյակը միայն 2025 թվականի ընթացքում արցախցիների գույքային իրավունքի 657 դիմում է ներկայացրել ՄԻԵԴ։ Նա այդ մասին ասաց ՀՀ ԱԺ–ում «Արցախահայերի սոցիալ–տնտեսական, իրավական խնդիրները և լուծումներ» թեմայով ընդլայնված քննարկման ժամանակ։
Ղազարյանը տեղեկացրեց, որ ամեն օր իրենք հանդիպում են 5–6 արցախցի ընտանիքի հետ, վերցնում նրանցից ապացույցներ և ուղարկում ՄԻԵԴ։
«Մարդիկ իսկապես ուզում են տեր կանգնել իրենց իրավունքին»,– ընդգծեց փաստաբանը։
Նա նշեց, որ հարցազրույցների ժամանակ արցախցիներն իրենց պատմությունները գրում են ձեռագիր, քանի որ դա շատ կարևոր ապացույց է, և ՄԻԵԴ–ը չափազանց արժևորում է, երբ մարդու ձեռքով են գրված պատմությունները, այլ ոչ թե իրավական տերմիններով։
«Խաղաղության պայմանագրի նախագծում իրավական պաշտպանվածության մեխանիզմ չկա. հիմնվելով համեմատական իրավունքի վրա` քանի դեռ խաղաղության պայմանագիրը չի առաջարկում իրավական պաշտպանության մեխանիզմ, միջազգային տրիբունալներն իրենց դռները բաց են պահելու։ Սա շատ կարևոր է և՛ արցախցիների գույքային իրավունքների, և՛ ՀՀ–ի համար` մեկ–երկու տասնամյակ հետո քաղաքական նկատառումներով»,– ընդգծեց փաստաբանը։
Նա հիշեցրեց, որ վերադարձի իրավունքը երաշխավորված է միջազգային իրավունքում, հատկապես երբ անձինք դուրս են եկել զինված հակամարտության հետևանքով։
«Այդ վերադարձը պետք է լինի անվտանգ, արժանապատիվ, որի համար պետք է համապատասխան համակարգեր ստեղծվեն»,– նշեց փաստաբանը։
Ղազարյանը համոզված է, որ արցախցիները վաղ թե ուշ ստանալու են ռեպարացիա` փոխհատուցում իրենց գույքի դիմաց` թեկուզ 10 կամ 20 տարի անց, և այդ մասին են վկայում միջազգային իրավունքում առկա բազմաթիվ օրինակները։
ՀՀ ներքին գործերի նախարարության միգրացիայի և քաղաքացիության ծառայության
տվյալներով՝ 2023 թվականի սեպտեմբերից հետո
Արցախից 115 365 մարդ է բռնի տեղահանվել Հայաստան։
