https://arm.sputniknews.ru/20260920/rd-petdumaji-yntrutjunner-hajastanum-erku-yntrateghamaserum-sksvel-e-qvearkutjuny-107068245.html
ՌԴ Պետդումայի ընտրությունները․ Հայաստանի 2 ընտրատեղամասերում քվեարկությունը մեկնարկել է
ՌԴ Պետդումայի ընտրությունները․ Հայաստանի 2 ընտրատեղամասերում քվեարկությունը մեկնարկել է
Sputnik Արմենիա
Երևանի ընտրատեղամասում առաջինը քվեարկել է Հայաստանում Ռուսաստանի դեսպան Սերգեյ Կոպիրկինը։ 20.09.2026, Sputnik Արմենիա
2026-09-20T09:58+0400
2026-09-20T09:58+0400
2026-09-20T12:00+0400
պետդումա
ընտրություններ
երևան
գյումրի
ռուսաստան
սերգեյ կոպիրկին
https://cdn.am.sputniknews.ru/img/07ea/09/14/107063497_0:0:1920:1080_1920x0_80_0_0_e2cc84f983bd60b8f9a498d4bfb11805.jpg
Հայաստանում Ռուսաստանի դեսպանատանը բացվել է №8026 ընտրատեղամասը։ Ընտրողներն արդեն ժամանում են Երևանում ՌԴ դիվանագիտական ներկայացուցչություն, հայտնում է Sputnik Արմենիայի թղթակիցը։Այս ընտրատեղամասում առաջինը քվեարկել է Հայաստանում Ռուսաստանի դեսպան Սերգեյ Կոպիրկինը։Հայաստանում քվեարկությունն անցկացնելու համար ստեղծվել է երկու ընտրատեղամաս՝ Երևանում ՌԴ դեսպանատանը և Գյումրիում ՌԴ գլխավոր հյուպատոսության շենքերում։Քվեարկությունը կանցկացվի տեղական ժամանակով 08։00-ից 20։00-ը (Մոսկվայի ժամանակով՝ 07։00-ից 19։00-ն)։Քվեարկությանը կարող են մասնակցել 18 տարին լրացած Ռուսաստանի քաղաքացիները, որոնք մշտապես բնակվում կամ ժամանակավորապես գտնվում են Հայաստանում։Նախնական գրանցում չի պահանջվում։ Քվեարկելու համար անհրաժեշտ է ունենալ ՌԴ քաղաքացու անձը հաստատող վավեր փաստաթուղթ՝ ներքին կամ արտասահմանյան անձնագիր։Սեպտեմբերի 18–ին Գյումրիում Ռուսաստանի գլխավոր հյուպատոսության աշխատակիցներն անցկացրել են ընտրողների առանձին խմբերի վաղաժամ քվեարկություն։ Դրան մասնակցել են Հայաստանում ՌԴ ԱԴԾ սահմանապահ վարչության 39-րդ Լենինականի սահմանապահ ջոկատի ռուսաստանցի սահմանապահներն ու նրանց ընտանիքների անդամները։Հիշեցնենք, որ IX գումարման Պետդումայի պատգամավորների ընտրությունների քվեարկությունը Ռուսաստանում մեկնարկել է սեպտեմբերի 17-ին։ Այսօր քվեարկության վերջին օրն է։Դաշնային կուսակցական ցուցակներով ընտրություններին մասնակցում է տասը կուսակցություն․ «Միասնական Ռուսաստան»(Единая Россия), Ռուսաստանի Լիբերալ–դեմոկրատական կուսակցություն (ЛДПР), «Ուղիղ ժողովրդավարության կուսակցություն» (Партия прямой демократии), «Կանաչներ» (Зеленые), «Արդար Ռուսաստան» (Справедливая Россия), «Հայրենիք»(Родина), ՌԴ Կոմունիստական կուսակցություն (КПРФ), «Թոշակառուների կուսակցություն» (Партия пенсионеров), «Ռուսաստանի կոմունիստներ»( Коммунисты России) և «Նոր մարդիկ»(Новые люди)։Ընդհանուր առմամբ անհրաժեշտ է ընտրել Պետդումայի 450 պատգամավորի՝ 225-ին՝ համամասնական ցուցակներով, ևս 225-ին՝ մեծամասնական ընտրատարածքներից։ Խորհրդարան անցնելու համար կուսակցությունները պետք է հաղթահարեն 5 տոկոսի շեմը։Քվեարկությունն անցկացվում է նաև ԴԺՀ-ում, ԼԺՀ-ում, Զապորոժիեի և Խերսոնի մարզերում։ Այնտեղ Պետդումայի պատգամավորների ընտրություններն առաջին անգամ անցկացվում են գործող ռազմական դրության պայմաններում։Ընտրություններին հետևում են նաև Հայաստանի ներկայացուցիչները՝ իշխող «Քաղաքացիական պայմանագիր» կուսակցության պատգամավորներ Ալեքսեյ Սանդիկովն ու Վահե Ղալումյանը։
երևան
գյումրի
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
В Ереване началось голосование на выборах депутатов Госдумы
Sputnik Արմենիա
В Ереване началось голосование на выборах депутатов Госдумы
2026-09-20T09:58+0400
true
PT0M43S
Sputnik Արմենիա
media@sputniknews.com
+74956456601
MIA „Rossiya Segodnya“
պետդումա, ընտրություններ, երևան, գյումրի, ռուսաստան, սերգեյ կոպիրկին
պետդումա, ընտրություններ, երևան, գյումրի, ռուսաստան, սերգեյ կոպիրկին
ՌԴ Պետդումայի ընտրությունները․ Հայաստանի 2 ընտրատեղամասերում քվեարկությունը մեկնարկել է
09:58 20.09.2026 (Թարմացված է: 12:00 20.09.2026) Երևանի ընտրատեղամասում առաջինը քվեարկել է Հայաստանում Ռուսաստանի դեսպան Սերգեյ Կոպիրկինը։
Հայաստանում Ռուսաստանի դեսպանատանը բացվել է №8026 ընտրատեղամասը։ Ընտրողներն արդեն ժամանում են Երևանում ՌԴ դիվանագիտական ներկայացուցչություն, հայտնում է
Sputnik Արմենիայի թղթակիցը։
Այս ընտրատեղամասում առաջինը քվեարկել է Հայաստանում Ռուսաստանի դեսպան Սերգեյ Կոպիրկինը։
Հայաստանում քվեարկությունն անցկացնելու համար ստեղծվել է երկու ընտրատեղամաս՝ Երևանում ՌԴ դեսպանատանը և Գյումրիում ՌԴ գլխավոր հյուպատոսության շենքերում։
Քվեարկությունը կանցկացվի տեղական ժամանակով 08։00-ից 20։00-ը (Մոսկվայի ժամանակով՝ 07։00-ից 19։00-ն)։
Քվեարկությանը կարող են մասնակցել 18 տարին լրացած Ռուսաստանի քաղաքացիները, որոնք մշտապես բնակվում կամ ժամանակավորապես գտնվում են Հայաստանում։
Նախնական գրանցում չի պահանջվում։ Քվեարկելու համար անհրաժեշտ է ունենալ ՌԴ քաղաքացու անձը հաստատող վավեր փաստաթուղթ՝ ներքին կամ արտասահմանյան անձնագիր։
Սեպտեմբերի 18–ին Գյումրիում Ռուսաստանի գլխավոր հյուպատոսության աշխատակիցներն անցկացրել են ընտրողների առանձին խմբերի վաղաժամ քվեարկություն։ Դրան մասնակցել են Հայաստանում ՌԴ ԱԴԾ սահմանապահ վարչության 39-րդ Լենինականի սահմանապահ ջոկատի ռուսաստանցի սահմանապահներն ու նրանց ընտանիքների անդամները։
Հիշեցնենք, որ IX գումարման Պետդումայի պատգամավորների ընտրությունների քվեարկությունը Ռուսաստանում մեկնարկել է սեպտեմբերի 17-ին։ Այսօր քվեարկության վերջին օրն է։
Դաշնային կուսակցական ցուցակներով ընտրություններին մասնակցում է տասը կուսակցություն․ «Միասնական Ռուսաստան»(Единая Россия), Ռուսաստանի Լիբերալ–դեմոկրատական կուսակցություն (ЛДПР), «Ուղիղ ժողովրդավարության կուսակցություն» (Партия прямой демократии), «Կանաչներ» (Зеленые), «Արդար Ռուսաստան» (Справедливая Россия), «Հայրենիք»(Родина), ՌԴ Կոմունիստական կուսակցություն (КПРФ), «Թոշակառուների կուսակցություն» (Партия пенсионеров), «Ռուսաստանի կոմունիստներ»( Коммунисты России) և «Նոր մարդիկ»(Новые люди)։
Ընդհանուր առմամբ անհրաժեշտ է ընտրել Պետդումայի 450 պատգամավորի՝ 225-ին՝ համամասնական ցուցակներով, ևս 225-ին՝ մեծամասնական ընտրատարածքներից։ Խորհրդարան անցնելու համար կուսակցությունները պետք է հաղթահարեն 5 տոկոսի շեմը։
Քվեարկությունն անցկացվում է նաև ԴԺՀ-ում, ԼԺՀ-ում, Զապորոժիեի և Խերսոնի մարզերում։ Այնտեղ Պետդումայի պատգամավորների ընտրություններն առաջին անգամ անցկացվում են գործող ռազմական դրության պայմաններում։
Ընտրություններին հետևում են նաև Հայաստանի ներկայացուցիչները՝ իշխող «Քաղաքացիական պայմանագիր» կուսակցության պատգամավորներ Ալեքսեյ Սանդիկովն ու Վահե Ղալումյանը։
