https://arm.sputniknews.ru/20260908/ev-hh-ishkhanutjunnerin-ev-em-in-dzerntu-e-ajs-anvorvoshutjuny-levvon-qvocharjan-106584598.html

Ե՛վ ՀՀ իշխանություններին, և՛ ԵՄ-ին ձեռնտու է այս անորոշությունը․ Լևոն Քոչարյան

Ե՛վ ՀՀ իշխանություններին, և՛ ԵՄ-ին ձեռնտու է այս անորոշությունը․ Լևոն Քոչարյան

Sputnik Արմենիա

Պատգամավորի խոսքով՝ իրենք դիմել են տարբեր դեսպանություններ՝ հանդիպումներ կազմակերպելու համար, առայժմ արձագանք չկա։ 08.09.2026, Sputnik Արմենիա

2026-09-08T12:45+0400

2026-09-08T12:45+0400

2026-09-08T13:58+0400

աժ (ազգային ժողով)

եվրամիություն

հայաստան

լևոն քոչարյան

քաղբանտարկյալ

ռոբերտ քոչարյան

https://cdn.am.sputniknews.ru/img/07ea/09/08/106581258_0:59:1500:903_1920x0_80_0_0_f9bfe64a2bb1b41790ac2c8a49bee947.jpg

ԵՐԵՎԱՆ, 8 սեպտեմբերի – Sputnik. Եվրոպական կառույցները կարծես չեն նկատում ՀՀ-ում տեղի ունեցող մարդու իրավունքների խախտումները, մինչդեռ մոտ 10 տարի առաջ աղմուկ կբարձրացնեին, եթե նման բան լիներ։ Այսօր հրավիրված ասուլիսի ժամանակ այդ մասին ասաց ՀՀ երկրորդ նախագահի որդի, ԱԺ «Հայաստան» խմբակցության անդամ Լևոն Քոչարյանը։Նրա խոսքով՝ եվրոպացի տարբեր պաշտոնյաների հետ հանդիպումների ժամանակ իրենք այս հարցերը բարձրացնում են, հաճախ այդ պաշտոնյաների կողմից մտահոգություններ հնչում են, սակայն դրանց չեն հետևում հանրային արձագանք և կոնկրետ քայլեր։Քոչարյանի խոսքով՝ «Հայաստան» խմբակցությունը դիմել է նաև օտարերկրյա դեսպանություններ՝ ՀՀ-ում տեղի ունեցող գործընթացների հետ կապված հարցերը քննարկելու նպատակով, սակայն արձագանք դեռ չկա։ Շեշտեց՝ ամեն ինչ արվելու է՝ թույլ չտալու համար, որ եվրոպական կառույցներն ու պաշտոնյաները չնկատելու տան Հայաստանում մարդու իրավունքների խախտումների այս ծավալը։ՀՀ երկրորդ նախագահի որդու մոտ տպավորություն է, որ անորոշության այս վիճակը և՛ ՀՀ իշխանություններին, և՛ ԵՄ-ին է ձեռնտու։Նրա խոսքով՝ պաշտոնական գործընթացից հետո ամեն ինչ պետք է հստակ լինի, իսկ այսպես «մեջտեղում» անորոշ վիճակը հարմար է բոլոր կողմերին։Հիշեցնենք` Հայաստանի և Եվրամիության միջև վիզայի ազատականացման շուրջ երկխոսությունը մեկնարկեց 2024 թվականի սեպտեմբերին։ 2025 թվականին Եվրոպական հանձնաժողովը Երևանին փոխանցեց ՀՀ–ԵՄ վիզաների ազատականացման գործողությունների ծրագիրը, որը ներառում է 74 հենանիշ (benchmark), որոնք բաժանված են 4 հիմնական ուղղությունների՝ փաստաթղթերի անվտանգություն՝ ներառյալ կենսաչափական համակարգ, սահմանների համալիր կառավարում, միգրացիայի կառավարում և ապաստան, հասարակական կարգ և անվտանգություն, այդ թվում՝ կազմակերպված հանցավորության, թրաֆիքինգի, թմրամիջոցների ապօրինի շրջանառության և կոռուպցիայի դեմ պայքարը, արտաքին հարաբերություններ և հիմնարար իրավունքներ:Ինչ ճանապարհ պետք է անցնի ՀՀ–ն վիզաների ազատականացման հասնելու համար, և երբ է դա հնարավոր

2026

Լուրեր

am_HY

աժ (ազգային ժողով), եվրամիություն, հայաստան, լևոն քոչարյան, քաղբանտարկյալ, ռոբերտ քոչարյան