https://arm.sputniknews.ru/20260401/erevani-tiv-94-mankapartezi-tsnvoghnery-bvoghvoqi-akcia-en-anum-pahanjum-en-tnoreni-heracum-100470331.html
Երևանի թիվ 94 մանկապարտեզի ծնողները բողոքի ակցիա են անում․ պահանջում են տնօրենի հեռացում
Երևանի թիվ 94 մանկապարտեզի ծնողները բողոքի ակցիա են անում․ պահանջում են տնօրենի հեռացում
Sputnik Արմենիա
Ծնողները պնդում են, թե մանկապարտեզում նաև թղթի վրա գրանցված աշխատողներ կան, որոնք երբևէ աշխատանքի չեն եկել։ 01.04.2026, Sputnik Արմենիա
2026-04-01T10:50+0400
2026-04-01T10:50+0400
2026-04-01T11:57+0400
մանկապարտեզ
երևան
տնօրեն
բողոքի ակցիա
ծնող
https://cdn.am.sputniknews.ru/img/07ea/04/01/100470415_9:0:1273:711_1920x0_80_0_0_662bcffd547715cbd636fce72aac431b.jpg
ԵՐԵՎԱՆ, 1 ապրիլի – Sputnik. Այսօր վաղ առավոտից բողոքի ակցիա է Երևանի Մալաթիա-Սեբաստիա վարչական շրջանի թիվ 94 մսուր-մանկապարտեզում։ Ծնողները պահանջում են, որ տնօրեն Փառանձեմ Միրիբյանը հեռանա։ Պնդում են, որ շուրջ 1 տարի առաջ նշանակված տնօրենի պահվածքի պատճառով դաստիարակները հերթով աշխատանքից դուրս են գալիս, ծնողների համբերության վերջին կաթիլն էլ դարձել է միանգամից 10 դաստիարակի՝ աշխատանքից ազատման դիմումը։Ծնողներից մեկը լրագրողների հետ զրույցում նշեց, թե ներառական կրթության կարիք ունեցող երեխաների հետ համապատասխան մասնագետներ չեն աշխատում, որովհետև աշխատանքի չեն գալիս։ Թղթի վրա գրված՝ նման մասնագետներ կան, իսկ իրականում չկան։190 ծնողներ ստորագրել են՝ դիմելով տարբեր կառույցների, այդ թվում՝ Երևանի քաղաքապետարանին, ԿԳՄՍՆ–ին։ Ասում են՝ կա՛մ խնդիրը կլուծվի, կա՛մ իրենք երեխաներին կտանեն մանկապարտեզից։Այս պահին մանկապարտեզում են Երևանի քաղաքապետարանից, Մալաթիա-Սեբաստիա վարչական շրջան աշխատակազմի ներկայացուցիչներ, սակայն տնօրեն Փառանձեմ Միրիբյանը փակել է աշխատասենյակի դուռն ու որևէ մեկին ներս չի թողնում։Ժամեր անց նա դուրս եկավ աշխատասենյակից։ «Ես չեմ կարող որևէ մեկնաբանություն տալ, վերջերս եմ վիրահատվել, առողջական խնդիրներ ունեմ, և այս պահին ինձ վատ եմ զգում»,- ասաց Միրիբյանը լրագրողներին։ Նա նշեց, որ հաստատությունը բնականոն շարունակում է աշխատել։ Չմեկնաբանեց նաև այն հարցը, թե արդյոք շարունակելու է պաշտոնավարել, թե ոչ։Հավելենք, որ Sputnik Արմենինան դիմել է Երևանի քաղաքապետարան, խոստացել են ավելի ուշ պարզաբանումներ տրամադրել։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մանկապարտեզ, երևան, տնօրեն, բողոքի ակցիա, ծնող
մանկապարտեզ, երևան, տնօրեն, բողոքի ակցիա, ծնող
Երևանի թիվ 94 մանկապարտեզի ծնողները բողոքի ակցիա են անում․ պահանջում են տնօրենի հեռացում
10:50 01.04.2026 (Թարմացված է: 11:57 01.04.2026) Ծնողները պնդում են, թե մանկապարտեզում նաև թղթի վրա գրանցված աշխատողներ կան, որոնք երբևէ աշխատանքի չեն եկել։
ԵՐԵՎԱՆ, 1 ապրիլի – Sputnik. Այսօր վաղ առավոտից բողոքի ակցիա է Երևանի Մալաթիա-Սեբաստիա վարչական շրջանի թիվ 94 մսուր-մանկապարտեզում։ Ծնողները պահանջում են, որ տնօրեն Փառանձեմ Միրիբյանը հեռանա։ Պնդում են, որ շուրջ 1 տարի առաջ նշանակված տնօրենի պահվածքի պատճառով դաստիարակները հերթով աշխատանքից դուրս են գալիս, ծնողների համբերության վերջին կաթիլն էլ դարձել է միանգամից 10 դաստիարակի՝ աշխատանքից ազատման դիմումը։
Ծնողներից մեկը լրագրողների հետ զրույցում նշեց, թե ներառական կրթության կարիք ունեցող երեխաների հետ համապատասխան մասնագետներ չեն աշխատում, որովհետև աշխատանքի չեն գալիս։ Թղթի վրա գրված՝ նման մասնագետներ կան, իսկ իրականում չկան։
«Երբեք աշխատանքի չեն եղել, եղել են ֆիկտիվ գրանցված աշխատողներ, աշխատավարձը ստացել են տանը նստած, այստեղ աշխատում է ծանոթ-բարեկամ տարբերակը»,- նշեց ծնողը։
190 ծնողներ ստորագրել են՝ դիմելով տարբեր կառույցների, այդ թվում՝ Երևանի քաղաքապետարանին, ԿԳՄՍՆ–ին։ Ասում են՝ կա՛մ խնդիրը կլուծվի, կա՛մ իրենք երեխաներին կտանեն մանկապարտեզից։
Այս պահին մանկապարտեզում են Երևանի քաղաքապետարանից, Մալաթիա-Սեբաստիա վարչական շրջան աշխատակազմի ներկայացուցիչներ, սակայն տնօրեն Փառանձեմ Միրիբյանը փակել է աշխատասենյակի դուռն ու որևէ մեկին ներս չի թողնում։
Ժամեր անց նա դուրս եկավ աշխատասենյակից։
«Ես չեմ կարող որևէ մեկնաբանություն տալ, վերջերս եմ վիրահատվել, առողջական խնդիրներ ունեմ, և այս պահին ինձ վատ եմ զգում»,- ասաց Միրիբյանը լրագրողներին։
Նա նշեց, որ հաստատությունը բնականոն շարունակում է աշխատել։ Չմեկնաբանեց նաև այն հարցը, թե արդյոք շարունակելու է պաշտոնավարել, թե ոչ։
Հավելենք, որ
Sputnik Արմենինան դիմել է Երևանի քաղաքապետարան, խոստացել են ավելի ուշ պարզաբանումներ տրամադրել։
