https://arm.sputniknews.ru/20251130/hrvomi-papy-stambuli-hajkakan-ekeghecuc-voghjujn-e-hghel-garegin-b-in-96389551.html
Հռոմի պապը Ստամբուլի հայկական եկեղեցուց ողջույն է հղել Գարեգին Բ-ին
Հռոմի պապը Ստամբուլի հայկական եկեղեցուց ողջույն է հղել Գարեգին Բ-ին
Sputnik Արմենիա
Հռոմի պապ Լևոն 14-ը Ստամբուլում պատարագի ժամանակ դիմել է Թուրքիայի հայ համայնքին: 30.11.2025, Sputnik Արմենիա
2025-11-30T15:28+0400
2025-11-30T15:28+0400
2025-11-30T15:28+0400
ստամբուլ
սահակ արքեպիսկոպոս մաշալյան
հռոմի պապ
հռոմի պապ լևոն xiv
քրիստոնեություն
քրիստոնյա
թուրքիա
https://cdn.am.sputniknews.ru/img/07e9/0b/1e/96383814_0:0:1280:720_1920x0_80_0_0_ca1049b6ce23b9c8b10b6855cf565907.jpg
ԵՐԵՎԱՆ, 30 նոյեմբերի - Sputnik. Ստամբուլի Սուրբ Աստվածածին հայկական հայրապետական եկեղեցում մատուցված պատարագի ժամանակ Հռոմի կաթոլիկ եկեղեցու առաջնորդ Լևոն 14-րդը հանդես է եկել ուղերձով, որում ողջունել է՝ Ամենայն հայոց կաթողիկոս Գարեգին Բ-ին, ինչպես նաև Թուրքիայի ողջ հայ առաքելական համայնքին:Հռոմի պապը երախտագիտություն է հայտնել դարերի ընթացքում հայ ժողովրդի «խիզախ քրիստոնեական վկայության» համար: Կաթոլիկ եկեղեցու հայրապետը նշել է, որ այն պահպանվել է նույնիսկ պատմության ամենաողբերգական շրջաններում։Լևոն 14-րդը մատնանշել է Հայ առաքելական և Կաթոլիկ եկեղեցիների միջև աճող եղբայրական կապերը՝ հիշեցնելով 1970 թվականի մայիսին Պողոս 6-րդ պապի և Վազգեն Ա Կաթողիկոսի միջև ստորագրված առաջին համատեղ հռչակագիրը:Լևոն 14-րդը հիշեցրել է, որ իր ներկայիս այցը նվիրված է Նիկեայի հավատո հանգանակին, քանի որ նշվում է Նիկեայի Առաջին ժողովի 1700-ամյակը:Պոնտիֆիկոսը նաև հույս ունի, որ Կաթոլիկ եկեղեցու և Արևելյան ուղղափառ եկեղեցիների միջև աստվածաբանական երկխոսության միջազգային համատեղ հանձնաժողովը շուտով կվերսկսի իր աշխատանքը: Նա հիշատակել է 12-րդ դարի հայ կաթողիկոս Սուրբ Ներսես Դ Շնորհալու դերը, որն իր կյանքը նվիրել էր քրիստոնեական եկեղեցիների հաշտեցման գործին։Պոլսո Հայոց պատրիարք, արքեպիսկոպոս Սահակ Մաշալյանը, որը մատուցում էր պատարագը ասել է, որ Հռոմի պապի ներկայությունը հայկական եկեղեցում ոչ միայն պատիվ է, այլև օրհնություն համայնքի, Թուրքիայի քրիստոնեական եկեղեցիների և բոլոր նրանց համար, ովքեր աշխատում են հանուն քրիստոնյաների միասնության:Նրա խոսքով՝ այսօր Մերձավոր Արևելքում և նրա սահմաններից դուրս քրիստոնյաները բախվում են բազմաթիվ դժվարությունների, միգրացիայի, ինչպես նաև՝ համայնքների թվի նվազման։ Նման ժամանակներում միասնությունը հատկապես կարևոր է դառնում։Մաշալյանը նշել է, որ Հռոմի կաթոլիկ եկեղեցու առաջնորդի այցը հզոր ցուցիչ է, որ եկեղեցիները միմյանց վերաբերում են որպես եղբայրներ, այլ ոչ թե որպես հակառակորդներ: Նա ընդգծել է, որ իրենք աղոթում են խաղաղության համար՝ ինչպես տարածաշրջանում, այնպես էլ բոլոր այն համայնքներում, որտեղ պատերազմներ են ընթանում:«Թող դարեր առաջ միահամուռ հնչած Նիկեական հավատամքը կրկին կապի մեզ անխախտ եղբայրությամբ»,-նշել է նա:Լևոն 14-րդը չորրորդ պապն է, որ այցելել է Թուրքիայի հայկական տաճար, և հինգերորդ պապը, որը հանդիպել է հայ քրիստոնեական համայնքի հետ:Հիշեցնենք, որ հայկական տաճարը գտնվում է Ստամբուլի Գում Գաբու թաղամասում (պատմական Ֆաթիհ շրջան)։ Լևոն 14-րդը պատրիարքական այցը Թուրքիա կայացել է նոյեմբերի 27-30-ը։ Այցի ընթացքում պապը հանդիպել է Կոստանդնուպոլսի ուղղափառ եկեղեցու առաջնորդ Բարդուղիմեոս Ա Պատրիարքի հետ: Ստորագրվել է համատեղ հռչակագիր: Այս այցից հետո պապը կմեկնի Լիբանան։
ստամբուլ
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ստամբուլ, սահակ արքեպիսկոպոս մաշալյան, հռոմի պապ, հռոմի պապ լևոն xiv, քրիստոնեություն, քրիստոնյա, թուրքիա
ստամբուլ, սահակ արքեպիսկոպոս մաշալյան, հռոմի պապ, հռոմի պապ լևոն xiv, քրիստոնեություն, քրիստոնյա, թուրքիա
Հռոմի պապը Ստամբուլի հայկական եկեղեցուց ողջույն է հղել Գարեգին Բ-ին
Հռոմի պապ Լևոն 14-ը Ստամբուլում պատարագի ժամանակ դիմել է Թուրքիայի հայ համայնքին:
ԵՐԵՎԱՆ, 30 նոյեմբերի - Sputnik. Ստամբուլի Սուրբ Աստվածածին հայկական հայրապետական եկեղեցում մատուցված պատարագի ժամանակ Հռոմի կաթոլիկ եկեղեցու առաջնորդ Լևոն 14-րդը հանդես է եկել ուղերձով, որում ողջունել է՝ Ամենայն հայոց կաթողիկոս Գարեգին Բ-ին, ինչպես նաև Թուրքիայի ողջ հայ առաքելական համայնքին:
Հռոմի պապը երախտագիտություն է հայտնել դարերի ընթացքում հայ ժողովրդի «խիզախ քրիստոնեական վկայության» համար: Կաթոլիկ եկեղեցու հայրապետը նշել է, որ այն պահպանվել է նույնիսկ պատմության ամենաողբերգական շրջաններում։
Լևոն 14-րդը մատնանշել է Հայ առաքելական և Կաթոլիկ եկեղեցիների միջև աճող եղբայրական կապերը՝ հիշեցնելով 1970 թվականի մայիսին Պողոս 6-րդ պապի և Վազգեն Ա Կաթողիկոսի միջև ստորագրված առաջին համատեղ հռչակագիրը:
«Այդ ժամանակից ի վեր, Աստծո ողորմածությամբ, մեր եկեղեցիների միջև գթասրտության երկխոսությունն ընդլայնվում է»,-ասել է պապը:
Լևոն 14-րդը հիշեցրել է, որ իր ներկայիս այցը նվիրված է Նիկեայի հավատո հանգանակին, քանի որ նշվում է Նիկեայի Առաջին ժողովի 1700-ամյակը:
Պոնտիֆիկոսը նաև հույս ունի, որ Կաթոլիկ եկեղեցու և Արևելյան ուղղափառ եկեղեցիների միջև աստվածաբանական երկխոսության միջազգային համատեղ հանձնաժողովը շուտով կվերսկսի իր աշխատանքը: Նա հիշատակել է 12-րդ դարի հայ կաթողիկոս Սուրբ Ներսես Դ Շնորհալու դերը, որն իր կյանքը նվիրել էր քրիստոնեական եկեղեցիների հաշտեցման գործին։
Պոլսո Հայոց պատրիարք, արքեպիսկոպոս Սահակ Մաշալյանը, որը մատուցում էր պատարագը ասել է, որ Հռոմի պապի ներկայությունը հայկական եկեղեցում ոչ միայն պատիվ է, այլև օրհնություն համայնքի, Թուրքիայի քրիստոնեական եկեղեցիների և բոլոր նրանց համար, ովքեր աշխատում են հանուն քրիստոնյաների միասնության:
«Դարեր շարունակ պապականությունը ծառայել է որպես բարոյական ուղեցույց՝ պաշտպանելով յուրաքանչյուր մարդու արժանապատվությունը, հանդես գալով խաղաղության օգտին և ձայն տալով ձայնից զրկվածներին»,-ասել է նա:
Նրա խոսքով՝ այսօր Մերձավոր Արևելքում և նրա սահմաններից դուրս քրիստոնյաները բախվում են բազմաթիվ դժվարությունների, միգրացիայի, ինչպես նաև՝ համայնքների թվի նվազման։ Նման ժամանակներում միասնությունը հատկապես կարևոր է դառնում։
Մաշալյանը նշել է, որ Հռոմի կաթոլիկ եկեղեցու առաջնորդի այցը հզոր ցուցիչ է, որ եկեղեցիները միմյանց վերաբերում են որպես եղբայրներ, այլ ոչ թե որպես հակառակորդներ: Նա ընդգծել է, որ իրենք աղոթում են խաղաղության համար՝ ինչպես տարածաշրջանում, այնպես էլ բոլոր այն համայնքներում, որտեղ պատերազմներ են ընթանում:
«Թող դարեր առաջ միահամուռ հնչած Նիկեական հավատամքը կրկին կապի մեզ անխախտ եղբայրությամբ»,-նշել է նա:
Լևոն 14-րդը չորրորդ պապն է, որ այցելել է Թուրքիայի հայկական տաճար, և հինգերորդ պապը, որը հանդիպել է հայ քրիստոնեական համայնքի հետ:
Հիշեցնենք, որ հայկական տաճարը գտնվում է Ստամբուլի Գում Գաբու թաղամասում (պատմական Ֆաթիհ շրջան)։ Լևոն 14-րդը պատրիարքական այցը Թուրքիա կայացել է նոյեմբերի 27-30-ը։ Այցի ընթացքում պապը հանդիպել է Կոստանդնուպոլսի ուղղափառ եկեղեցու առաջնորդ Բարդուղիմեոս Ա Պատրիարքի հետ: Ստորագրվել է համատեղ հռչակագիր: Այս այցից հետո պապը կմեկնի Լիբանան։
