https://arm.sputniknews.ru/20250831/chinastany-ev-hajastany-hastatum-en-razmavarakan-gvortsynkerutjun-92944394.html
Չինաստանը և Հայաստանը հաստատում են ռազմավարական գործընկերություն
Չինաստանը և Հայաստանը հաստատում են ռազմավարական գործընկերություն
Sputnik Արմենիա
Չինաստանի նախագահի և ՀՀ վարչապետի հանդիպման արդյունքներով ընդունվել է համատեղ հայտարարություն։ 31.08.2025, Sputnik Արմենիա
2025-08-31T10:05+0400
2025-08-31T10:05+0400
2025-08-31T10:24+0400
չինաստան
հայաստան
սի ծինփին (չինաստանի նախագահ)
նիկոլ փաշինյան
https://cdn.am.sputniknews.ru/img/07e9/08/1f/92943453_0:0:1280:721_1920x0_80_0_0_462bf5cf95d0da8adf88dfac6b12964a.jpg
ԵՐԵՎԱՆ, 31 օգոստոսի – Sputnik. Չինաստանի նախագահ Սի Ծինփինը և ՀՀ վարչապետ Նիկոլ Փաշինյանը Չինաստանի Թիենծին քաղաքում կայացած հանդիպման ժամանակ հայտարարել են Պեկինի և Երևանի միջև ռազմավարական գործընկերության հաստատման մասին։ Ընդունվել է համատեղ հայտարարություն: Տեղեկությունը հայտնում է ՀՀ վարչապետի մամուլի ծառայությունը։Հանդիպման ընթացքում ՉԺՀ նախագահը ողջունել է ՀՀ վարչապետի մասնակցությունը ՇՀԿ գագաթնաժողովի ՇՀԿ+ ձևաչափի հանդիպմանը: Չինացի առաջնորդը նշել է, որ Չինաստանը աջակցում է Հայաստանի անդամակցությանը Շանհայի համագործակցության կազմակերպությանը։Սի Ծինփինը շեշտել է, որ ՉԺՀ-ն անվերապահորեն աջակցում է Հայաստանի Հանրապետության քաղաքական անկախությանը, ինքնիշխանությանն ու տարածքային ամբողջականությանը:Նիկոլ Փաշինյանն իր հերթին հայտարարել է, որ երկու երկրների միջև ձևավորված քաղաքական երկխոսության բարձր մակարդակն իր արտացոլումն է գտնում նաև միմյանց համար կարևորություն ներկայացնող հարցերում փոխաջակցության ցուցաբերմամբ։ Վարչապետի խոսքով` Հայաստանը վերահաստատում է իր աջակցությունը «Մեկ Չինաստան» սկզբունքին: Երկրի ղեկավարը կարևորել է ինչպես տարածաշրջանային, այնպես էլ միջտարածաշրջանային կայունության և ինտեգրացիայի բարձրացմանն ուղղված ՀՀ կառավարության կողմից մշակված «Խաղաղության խաչմերուկ» ծրագրի կյանքի կոչումը և նշել, որ այն լավագույնս կարող է շաղկապվել նաև Չինաստանի «Գոտի և ճանապարհ» նախաձեռնության հետ, որին Հայաստանն առաջիններից է պաշտոնապես միացել։Նիկոլ Փաշինյանի խոսքով` երկկողմ բարձր մակարդակի հարաբերություններն այսօրվա հանդիպման արդյունքում նորովի կզարգանան ու կամրապնդվեն: ՀՀ վարչապետը հույս է հայտնել, որ հետևողական կերպով կբարձրանա առևտրատնտեսական համագործակցության մակարդակը, կիրականացվեն ներդրումային համատեղ նոր ծրագրեր: Երկրի ղեկավարը շեշտել է, որ ՀՀ Կառավարությունը շահագրգիռ է չինական ընկերությունների կողմից ՀՀ-ում ներդրումային ծրագրերի ընդլայնմամբ:Նիկոլ Փաշինյանը վերահաստատել է Հայաստանի ցանկությունը` անդամակցելու Շանհայի համագործակցության կազմակերպությանը: Պայմանավորվածություն է ձեռք բերվել խորացնելու համագործակցությունը ՇՀԿ շրջանակում:Վլադիմիր Պուտինը ժամանել է Չինաստան
չինաստան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Չինաստանի հետ հաստատեցինք ռազմավարական գործընկերություն
Sputnik Արմենիա
Չինաստանի հետ հաստատեցինք ռազմավարական գործընկերություն
2025-08-31T10:05+0400
true
PT1M52S
Sputnik Արմենիա
media@sputniknews.com
+74956456601
MIA „Rossiya Segodnya“
չինաստան, հայաստան, սի ծինփին (չինաստանի նախագահ), նիկոլ փաշինյան, видео
չինաստան, հայաստան, սի ծինփին (չինաստանի նախագահ), նիկոլ փաշինյան, видео
Չինաստանը և Հայաստանը հաստատում են ռազմավարական գործընկերություն
10:05 31.08.2025 (Թարմացված է: 10:24 31.08.2025) Չինաստանի նախագահի և ՀՀ վարչապետի հանդիպման արդյունքներով ընդունվել է համատեղ հայտարարություն։
ԵՐԵՎԱՆ, 31 օգոստոսի – Sputnik. Չինաստանի նախագահ Սի Ծինփինը և ՀՀ վարչապետ Նիկոլ Փաշինյանը Չինաստանի Թիենծին քաղաքում կայացած հանդիպման ժամանակ հայտարարել են Պեկինի և Երևանի միջև ռազմավարական գործընկերության հաստատման մասին։ Ընդունվել է համատեղ հայտարարություն: Տեղեկությունը
հայտնում է ՀՀ վարչապետի մամուլի ծառայությունը։
Հանդիպման ընթացքում ՉԺՀ նախագահը ողջունել է ՀՀ վարչապետի մասնակցությունը ՇՀԿ գագաթնաժողովի ՇՀԿ+ ձևաչափի հանդիպմանը: Չինացի առաջնորդը նշել է, որ Չինաստանը աջակցում է Հայաստանի անդամակցությանը Շանհայի համագործակցության կազմակերպությանը։
Սի Ծինփինը շեշտել է, որ ՉԺՀ-ն անվերապահորեն աջակցում է Հայաստանի Հանրապետության քաղաքական անկախությանը, ինքնիշխանությանն ու տարածքային ամբողջականությանը:
ՉԺՀ նախագահն ընդգծել է, որ Չինաստանն աջակցում է ՀՀ կառավարության «Խաղաղության խաչմերուկ» նախագծին և տարածաշրջանային հաղորդակցության ուղիների ապաշրջափակմանը: Սի Ծինփինը ողջունել է Հայաստանի և Ադրբեջանի միջև խաղաղության գործընթացը: Անդրադառնալով երկկողմ հարաբերությունների զարգացման հեռանկարներին` նա կարևորել է Հայաստանի հետ տնտեսական համագործակցության միջկառավարական հանձնաժողովի ակտիվ գործունեությունը` ընդգծելով, որ այն պետք է լիարժեք բացահայտի երկկողմ տնտեսական փոխգործակցության ներուժն ու հետևողական քայլեր ձեռնարկի այն իրացնելու համար:
Նիկոլ Փաշինյանն իր հերթին հայտարարել է, որ երկու երկրների միջև ձևավորված քաղաքական երկխոսության բարձր մակարդակն իր արտացոլումն է գտնում նաև միմյանց համար կարևորություն ներկայացնող հարցերում փոխաջակցության ցուցաբերմամբ։ Վարչապետի խոսքով` Հայաստանը վերահաստատում է իր աջակցությունը «Մեկ Չինաստան» սկզբունքին: Երկրի ղեկավարը կարևորել է ինչպես տարածաշրջանային, այնպես էլ միջտարածաշրջանային կայունության և ինտեգրացիայի բարձրացմանն ուղղված ՀՀ կառավարության կողմից մշակված «Խաղաղության խաչմերուկ» ծրագրի կյանքի կոչումը և նշել, որ այն լավագույնս կարող է շաղկապվել նաև Չինաստանի «Գոտի և ճանապարհ» նախաձեռնության հետ, որին Հայաստանն առաջիններից է պաշտոնապես միացել։
Նիկոլ Փաշինյանի խոսքով` երկկողմ բարձր մակարդակի հարաբերություններն այսօրվա հանդիպման արդյունքում նորովի կզարգանան ու կամրապնդվեն: ՀՀ վարչապետը հույս է հայտնել, որ հետևողական կերպով կբարձրանա առևտրատնտեսական համագործակցության մակարդակը, կիրականացվեն ներդրումային համատեղ նոր ծրագրեր: Երկրի ղեկավարը շեշտել է, որ ՀՀ Կառավարությունը շահագրգիռ է չինական ընկերությունների կողմից ՀՀ-ում ներդրումային ծրագրերի ընդլայնմամբ:
Հանդիպման ընթացքում երկու երկրների առաջնորդները կարևորել են համագործակցության խթանումը նաև գիտության, կրթության, մշակույթի, զբոսաշրջության, տեղեկատվության, չափագիտության և այլ ուղղություններով:
Նիկոլ Փաշինյանը վերահաստատել է Հայաստանի ցանկությունը` անդամակցելու Շանհայի համագործակցության կազմակերպությանը: Պայմանավորվածություն է ձեռք բերվել խորացնելու համագործակցությունը ՇՀԿ շրջանակում:
